G‘azolik Afnan al - Ghanam birinchi farzandini 13 oy oldin urush paytida oilasi bilan birga yashagan uyida dunyoga keltirdi.

Bu yilgi bahor mavsumida u yana ona bo‘lishga tayyorlanayotgan edi ammo bu safar og‘ir sharoit ostidagi chodir lagerida. Shunga qaramay, vaqtinchalik o‘q uzishni to‘xtatish kelishuvi sal bo‘lsa ham unga tinchlik baxsh etgan edi.

Keyin esa, haftaning seshanba kuni tong otmasdan oldin, Isroil havo hujumlaridan biri Ghanam va oilasi jon saqlagan chodirga zarba berdi. Oqibati, yetti oylik homilador al - Ghanam bilan uning kichik o‘g‘li Muhammad umriga zomin bo‘ldi.

«Bu ular nishonga olgan ro‘yxatdir». – dedi al - Ghanamning turmush o‘rtog‘i Alaa Abu Halol, «Nasser» shifoxonasi morgida Muhammadning matoga o‘ralgan kichik jasadini ushlab turib. Alaa Abu Halol, unga qarab: «Urush paytida, qiyin sharoitlarda dunyoga keldi va yana urush paytida shahid bo‘ldi». – dedi.

«Ular begunoh, pok va deyarli hayotni ko‘rishga ulgurmagan insonlarni nishonga olmoqda». – dedi.

Isroilning bu galgi havo hujumlari yanvar oyi o‘rtalarida kuchga kirgan otashkesim kelishuvini buzdi va 15 oylik bombardimon, quruqlikdagi hujumlar va ocharchilik ortidan hayotlarini qayta tiklashga urinayotgan falastinliklarni hayratda qoldirdi.

Isroil, Hamasning 2023 – yilning 7 – oktabridagi janubiy Isroilga qarshi uyushtirgan hujumlari ortidan G‘azoda genotsid kampaniyasi boshlatdi.