Rossiya Mudofaa vazirligi Ukraina sharqidagi Donetsk viloyatida ikki, shimolidagi Sumi viloyatida esa bitta aholi punktini nazorat ostiga olganini iddao etdi.
Mavzu haqida shanba kuni berilgan bayonotda, harbiy kuchlar Donetsk viloyatida oxirgi vaqtlarda Rossiya bosimi ostida joylashgan Kostiantynivka shahrining sharqida joylashgan Stupochky qishlog‘i egallab olingani ma’lum qilindi.
Shuningdek, 1.000 km uzunlikdagi jabha chizig‘ining g‘arb qismida joylashgan Otradne qishlog‘i bilan Sumi viloyatidagi Rossiya chegaralari ichida joylashgan Loknya qishlog‘i nazorat ostiga olinganini bildirdi.
Ukraina Bosh shtabi esa bu yo‘qotishlarni tan olmadi va Otradneni, Ukraina birliklarining jabha chizig‘ida Rossiya hujumini to‘xtatgan bir necha shaharlardan biri ekanini qayd etdi. Shuningdek, Bosh shtab Stupochkyning shu hafta boshida Rossiya hujumi ostidagi hududning bir qismi sifatida aniqlanganini ifoda etdi.
Ukraina bir necha oydan beri Rossiya kuchlarining Sumi viloyatidagi hududlarni bosib olish haqidagi tashabbuslari haqida gapirmoqda ammo bu hududlardan birortasining ham egallab olinganini tan olmadi.
Rossiya Mudofaa vazirligi esa juma kuni shimoli - sharqdagi Kupiansk shahri tashqarisida joylashgan Radkivka qishlog‘ining egallab olinganini bildirdi.
Dron hujumlari
Shu bilan birga Rossiya Mudofaa vazirligi qoshidagi havo mudofaasi birliklarining ko‘pchiligi markaziy va janubiy hududlarda, ayniqsa Moskva atrofida 4 soat ichida Ukrainaning 95 ta droniga monelik qilib, yo‘q qilganini ma’lum qildi.
Moskva shahar hokimi Sergey Sobyanin Telegram orqali bergan bayonotida, poytaxtga qarab harakatlanayotgan oltita dronning yo‘q qilganiga e’tibor qaratdi.
Boshqa tomondan Kiyev o‘ndan ortiq Rossiya droni hujumiga uchraganini bildirdi. Kiyev shahar harbiy boshqaruvi rahbari Timur Tkachenko, yakshanba kuni erta tongda poytaxt atrofidagi havo hududida o‘ndan ortiq dushman droni aniqlangani qayd etdi.
Tkachenko Telegramda shuningdek: «Yangi dronlar ham yaqinlashmoqda. Kiyev va atrofidagi ba’zi dronlarga qarshi kurashildi ammo yangilari haligacha poytaxtga kirmoqda. Shunday ekan kechasi oson o‘tmaydi. Dushman ko‘plab dron va raketalar uloqtirishi mumkin», - degan ifodalarga o‘rin berdi.
Tkachenko nishonga olingan dronlardan biriga oid qoldiqlar besh qavatli turar - joy binosiga tushganini o‘z so‘ziga ilova etdi.
Kiyev shahar hokimi Vitaliy Klichko shahar hujum ostida ekanini lekin havo mudofaa tizimlari ishlab turganini ifoda etib, fuqarolarni boshpanalarda qolishga chaqirildi.
Tun bo‘yi davom etayotgan hujumlar Rossiya - Ukraina urushi boshidan beri eng yirik mahbuslar almashinuvi davom etayotgan bir davrda amalga oshmoqda.
