Prezident Rejep Tayyip Erdo‘g‘an, 2024 - yil Turkiya uchun muhim yutuqlarga boy yil bo‘lganini bildirdi. Prezident, Turkiya Eksportchilar assambleyasi tomonidan uyushtirilgan tadbirlardan birida so‘zlagan nutqida, o‘tgan yilgi eksport hajmlariga e’tibor qaratdi.

Nomi tilga olingan assambleya tomonidan dushanba kuni berilgan bayonotda, 2024 - yili 10 ta kompaniya eng ko‘p eksport qilganlar qatoridan o‘rin olganini bildirdi.

Prezident Erdo‘g‘an Turkiyaning sarmoya, bandlik, ishlab chiqarish va eksportga qaratilgan o‘sish strategiyasi tufayli 2024 - yili iqtisodiyot 3,2 foiz o‘sgani va bu sur’at 2025 - yili ham davom etishini ta’kidladi.

Turkiya iqtisodiyoti 2025 - yilning birinchi choragida o‘tgan yilga nisbatan 2 foiz o‘sganligi va bu mamlakatning uzluksiz o‘sish seriyasining 19 - choragi ekanini yodga soldi.

Uning ta’kidlashicha, o‘rta muddatli dastur Turkiyaning tashqi manbalarga qaramligini kamaytirib, strukturaviy mustahkamligini oshirgan va zaifliklarini minimal darajaga tushirgan.

Oxirgi uch oyda qayd etilgan muammoga qaramay dastur buzilmay, o‘zining mustahkamligi va ishonchini saqlab qolgan.

May oyi boshidan beri Turkiyaning zaxiralari yana ko‘paya boshlagan.

Turkiyaning risk premiyasi pasaygani va turk lirasiga ishonch ortganini ifoda etdi.

2024 - yil eksport sohasida rekord qayd etilganini ifoda etgan Erdo‘g‘an: «2024 – yilda 262 milliard dollarlik eksport bilan rekord o‘rnatdik. Global eksportdan biz olgan ulushni 1.07 foizga oshirdik. Oʻtgan yili 1 milliard dollar va undan ortiq eksport qiluvchi kompaniyalar soni 18 taga; 100 million dollar va undan ortiq eksport qiluvchi kompaniyalar soni esa 302 taga yetdi», - dedi.

Mamlakatning 2025 - yili ham xuddi shu sur’atda o‘sishda davom etishini va may oyida eksport hajmi o‘tgan yilning shu oyiga nisbatan 2,7 foizga oshib 24,8 milliard dollarga yetgani; bu respublika tarixidagi eng yuqori oylik eksport ekanini ifoda etdi.