TASS axborot agentligi Rossiya Mudofaa vazirligining Rossiya Harbiy-dengiz kuchlari qo‘mondoni o‘rinbosari general-mayor Mixail Gudkovning mamlakatning Kursk viloyati chegarasida halok bo‘lganini tasdiqladi.

Primorye gubernatori Oleg Kojemyako ham Rossiya Harbiy-dengiz kuchlari qo‘mondoni o‘rinbosari Mixail Gudkovning Kurskda halok bo‘lganini qayd etdi.

Kojemyako Kursk viloyatida payshanba kuni halok bo‘lganlarning oilalari, yaqinlarii do‘stlari va harbiy safdoshlariga hamdardlik bildirdi.

Kojemyakoning so‘zlariga ko‘ra, Gudkov bir ofitser sifatida o‘z burchini bajarish chog‘ida o‘z safdoshlari bilan birga halok bo‘lgan.

“Uning sodiq safdoshlaridan biri va do‘stimiz Nariman Shixaliyev ham qo‘mondon bilan birga halok bo‘ldi”, - dedi Primorye rahbari.

Reuters xabariga ko‘ra norasmiy Rossiya bilan Ukrainaning harbiy Telegram kanallari, Gudkovning Ukraina chegarasidagi Kursk viloyatida Korenevo qo‘mondonlik punktiga qarshi uyushtirilgan hujumda Ukraina hujumida yana 10 nafar harbiy bilan birga halok bo‘lganini xabar qilgandi.

Gudkov, Ukraina tomonidan o‘ldirilgan eng oliy darajali rus harbiy rasmiylaridan biri sifatida qayd etildi.

Gudkov, Ukrainaga qarshi harbiy harakatlarda ko‘rsatgan jasorati uchun mukofotlangan va Kiyev tomonidan urush jinoyatlarida ayblangan edi.

Rossiya Prezidenti Vladimir Putin mart oyida uni Harbiy - dengiz kuchlari Bosh qo‘mondoni o‘rinbosari etib tayinlagan edi, deb xabar beradi Kremlning rasmiy veb-sayti.

Gudkov Kurska urushgan Rossiyaning Tinch okeani flotiga qarashli dengiz piyodalari brigadasini boshqargandi.

Kurskning ayrim hududlari 2024 - yilning avgust oyida ukrainalik kuchlar tomonidan kutilmagan hujumda egallab olingan edi, Ammo Rossiya bu yil boshida ularni qaytarib olganini ma’lum qilgan.