Prezident Rajap Tayyip Erdo’g’an, Ozarbayjon Prezidenti Ilhom Aliyev bilan uchrashuvi chog’ida Turkiyaning Ozarbayjonning qonuniy talablarini qondirish uchun Boku va Yerevan o’rtasida bo’lishi mumkin bo’lgan tinchlik kelishuvini kutayotganini aytdi.

Aloqa boshqarmasi tomonidan X platformasida tarqatilgan bayonotga ko'ra, Erdo'g'an, Iqtisodiy hamkorlik tashkiloti (EKO) sammiti doirasida Ozarbayjonning Xankendi shahrida juma kuni bo'lib o'tgan yig'ilishda Turkiyaning Ozarbayjon va Armaniston o'rtasidagi keng qamrovli tinchlik muzokaralarini yaqindan kuzatib borayotganini bildirdi.

Yerevan va Boku 2020-yildagi ikkinchi Qorabogʻ urushi ortidan tinchlik kelishuvi boʻyicha muzokaralarni boshladi. Ozarbayjon 2023-yil sentabrida Qorabogʻ ustidan toʻliq suverenitetga erishdi.

Ikki davlat rahbarlari, shuningdek, ikki tomonlama munosabatlar, mintaqaviy va global muammolarni muhokama qildilar. Erdo'g'an, ikki davlat o'rtasidagi birdamlikning namuna bo'lganini ta'kidladi.

Energiya va transport sohalarida ikki tomonlama hamkorlikni kengaytirishning ahamiyatiga e’tibor qaratgan Erdo’g’an, Eron va Isroil o’rtasida 24-iyun kuni imzolangan o’t ochishni to’xtatishdan mamnunligini tilga olib, mintaqada doimiy tinchlikka erishish barchaning manfaati ekanini ta’kidladi.