Isroil bilan Falastinning G‘azo sektorini boshqaradigan Hamas harakati o‘rtasidagi otashkesimning nisbatan tinch o‘tgan davri, Isroil armiyasi tomonidan seshanba kuni ertalab G‘azo hududiga qarshi o‘nlab hujum uyushtira boshlashi bilan tugadi.

Falastindagi shifoxonalardan mas’ul rasmiylar ma’lumotiga ko‘ra nomi tilga olingan hujumlar oqibatida 400 nafardan ortiq inson, jumladan ayollar va bolalar halok bo‘lgan. Isroil esa bu amaliyotlar davom etishi va hatto keng tus olishi mumkinligi haqida gapirmoqda. Xalqaro hamjamiyat, 17 oylik urush qayta avj olishi ehtimolidan xavotirda.

Isroilning o‘limlarga yo‘l ochgan hujumlariga nisbatan bildirilgan ba’zi munosabatlar quyidagicha:

Turkiya

Turkiya, Isroilning falastinliklarni ommaviy ravishda o‘ldirishini «Netanyaxu hukumati yo‘lga qo‘ygan genotsid siyosatining yangi bosqichi» - deb baholadi.  

Turkiya Tashqi ishlar vazirligi tomonidan mavzu haqida berilgan rasmiy bayonotda: «Isroil, xalqaro qonun va umuminsoniy qadriyatlarni eng og‘ir tarzda buzib, insoniyatni mensimaganini yaqqol namoyish etmoqda. Xalqaro hamjamiyatning tinchlik o‘rnatish borasidagi sa’y – harakatlari avj olgan bir paytda Isroilning tajovuzkor harakatlari mintaqadagi barqarorlikka tahdid solmoqda. Isroil hukumatining bu tajovuzkorligi mintaqa kelajagini xavf ostiga qo‘ymoqda. Isroilning yangi zo‘ravonliklarini qabul qilish esa imkonsiz», - degan ifodalarga o‘rin berildi.

Anqara xalqaro hamjamiyatni Isroilga qarshi aniq munosabatda bo‘lishga, otashkesimni butunlay yo‘lga qo‘yish uchun zudlik bilan choralar ko‘rishga va G‘azoga insonparvarlik yordami yetkazib berishga chaqirdi.

Hamas

Hamasning yuqori martabali rasmiylaridan Izzat al - Rishq arab va musulmon davlatlari bilan butun dunyodagi erkinlikni sevuvchi insonlarni ko‘chalarga va maydonlarga chiqishga, G‘azo xalqiga qarshi sionistik genotsid urushi takror avj olmasligi uchun chora ko‘rishga chaqirdi.

Izzat al – Rish o‘z so‘zida shuningdek: «Netanyahu ularga oziq - ovqat va dori - darmon yetkazib berilishiga monelik qilish bilangina cheklanib qolmay, ayni vaqtda, G‘azoning uxlayotgan bolalarini bombardimon qilib o‘ldirdi», - dedi.

Netanyaxuning G‘azodagi urushni qayta boshlash qarorini al – Rishq: «Ishg‘ol paytida asirga olinganlarni fido qilish va ularni o‘lim bilan jazolash». – degan so‘zlar bilan baholadi.

Izzat al - Rishq o‘rtamchilar va dunyo davlatlari liderlarini Isroil harakatlarining asl mohiyatini fosh qilishga va Netanyaxuni, mojaroni qayta avj oldirishda javobgar deb topishga chaqirdi va ta’kidladi: «Harbiy bosim va shafqatsiz sionistik hujumlar xalqimiz irodasi va qarshiligini yengolmaydi».

Falastin Tashqi ishlar vazirligi

Falastin Tashqi ishlar vazirligi Isroilning G‘azodagi tinch aholiga qarshi uyushtirgan hujumlarini: «G‘azoni qayta tiklash uchun olib borilgan xalqaro sa’y - harakatlarni buzish va otashkesim kelishuvi shartlaridan qochish». – degan so‘zlar bilan izholadi.  

Vazirlik shuningdek: «Siyosiy yechimlar, tinchlikni saqlash, hujumlarni to‘xtatish va mojaroni hal qilish uchun siyosiy istiqbolni qayta tiklash zarurdir. Shuday ekan hujumlar darhol to‘xtashi uchun xalqaro hamjamiyatni shu asosda munosabat bildirishga va ishg‘ol yuzasidan xalqimizni o‘z uy – joyidan mahrum qilish rejalariga qarshi turish masalasi ustidan ogohlantiramiz» - dedi.

Yaman

Yamanning Husi harakati o‘z ittifoqchisi bo‘lgan Hamasni qo‘llab - quvvatlash uchun amaliyotlarini kuchaytirishga va’da berdi va hatto Isroilni, Qizil dengizdagi kemalariga qarshi takror hujum uyushtirish bilan tahdid qildi.

«Sionist dushmanning takror G‘azo sektoriga qarshi hujum uyushtirishini qoralaymiz». – deyiladi Husiylarning oliy siyosiy kengashi bayonotida.

Unda shuningdek: «Falastin xalqi bu jangda yolg‘iz emasdir va Yaman, Hamasni qo‘llab - quvvatlashini davom etadi. Eng muhimi buning uchun yana – da ko‘proq chora ko‘radi». – deyildi.

Misr

Misr Tashqi Ishlar vazirligi Isroilning kechasi amalga oshirgan halokatli havo hujumlarini, 19 - yanvar kuni kuchga kirgan sulhni «ochiq – oydin buzish» - degan so‘zlar bilan baholadi.

«Bu hujumlar mintaqa barqarorligiga jiddiy oqibatlar tug‘dirishi mumkin» - degan Misr, shu bois ham G‘azoda otashkesimni yo‘lga qo‘yish uchun Qatar va Amerika Qo‘shma Shtatlari bilan birgalikda harakat qilganiga e’tibor qaratdi.

Birlashgan Millatlar Tashkiloti

BMT Bosh kotibi Antonio Guterrish G‘azoda yuz bergan va yuzlab falastinliklar, jumladan bolalar va ayollar umriga zomin bo‘lgan Isroilning so‘nggi havo hujumlaridan hayratda ekanini bildirdi.

BMT Bosh kotibi o‘rinbosari Farhan Haq mavzu haqida bergan bayonotida, BMT rahbari zudlik bilan takror otashkesim yo‘lga qo‘yilishi, uzluksiz insonparvarlik yordami yetkazib berilishi va qolgan mahbuslar ozod etilishi zarurligini ta’kidlagani haqida gapirdi.

BMTning Inson huquqlari bo‘yicha rahbari ham G‘azodagi so‘nggi Isroil havo hujumlari haqida gapirdi va mavzu haqida: «Bu voqea fojini fojiaga ulaydi. Shunday ekan, qamal ostida qolgan sektordagi dahshatli tush tezlik bilan to‘xtatishi shart» - dedi.

Shuningdek Shveytsariya, Rossiya, Malta, Narvegiya, Avstraliya ham Isroilning G‘azoni nishonga olgan havo hujumlarini qoralagan davlatlar qatoridadir.