AQSh Davlat kotibi Marko Rubio Armaniston bilan Ozarbayjon o‘rtasida tuzilgan tinchlik shartnomasini qo‘llab – quvvatlab, mintaqadagi barqaror xavfsizlik va farovonlikning ahamiyatini ta’kidladi. Bu haqida AQSh davlat departamentining matbuot xizmati rahbari Temmi Bryus ma’lumot bo‘lishdi.

Ushbu ma’lumotga ko‘ra Marko Rubio seshanba kuni Armaniston Bosh vaziri Nikol Pashinyan bilan telefon orqali muloqot qilgan. Unda Armaniston bilan Ozarbayjon o‘rtasida tuzilgan tinchlik shartnomasidan xursand ekanini ifoda etgan Rubio, mazkur holat, mintaqadagi muammoni hal qilish va Janubiy Kavkaz xavfsizligi bilan osoyishtaligi uchun alohida o‘ringa ega ekanini ta’kidlagan.

«Rubio bilan Pashinyan Janubiy Kavkazda hech qanday keskinlikni qabul qilish imkonsiz ekanini ta’kidladilar. Shuningdek, ular strategik sherik sifatida o‘z mamlakatlarining umumiy manfaatlarini muhokama qilib, ikki tomonlama hamkorlikni mustahkamlashga sodiq ekanliklarini yana bir bor tasdiqladi», - deyiladi bayonotda.

Telefon orqali bo‘lib o‘tgan muloqot Ozarbayjon bilan Armanistonning alohida – alohida, o‘n yillab davom etgan mojaroning yakunlanishi hamda Boku va Yerevan o‘rtasida diplomatik aloqalar o‘rnatish maqsadida tuzilgan tinchlik bitimi loyihasi ustidan kelishuv e’lon qilinishidan bir necha kun o‘tib amalga oshdi.