Armaniston Bosh vaziri Nikol Pashinyan, qo‘shni Ozarbayjon bilan kelishib olingan tinchlik shartnomasi loyihasini imzolashga tayyor ekanini ma’lum qildi.

Pashinyan chorshanba kuni «X» platformasi orqali bayonot berdi va unda: «Armaniston bilan Ozarbayjon o‘rtasida tinchlik shartnomasi ustidan kelishib olindi va uning endi imzolanishi lozim. Men esa, nomi tilga olingan loyihani imzolashga tayyorman», - dedi.

Pashinyan bu so‘zlarni, o‘tgan payshanba kuni ham Ozarbayjon hamda Armanistonning tinchlik shartnomasi loyihasi ustidan kelishib olgani haqida alohida – alohida bergan bayonoti ortidan aytdi.

Ushbu shartnoma, o‘n yillab davom etgan mojaroni tugatish va Boku bilan Yerevan o‘rtasida diplomatik aloqalarni o‘rnatishni ko‘zda tutmoqda.

Sobiq Sovet ittifoqi tarkibidagi ikki davlat munosabatlari, 1991 - yili Armaniston armiyasining Ozarbayjonning bir qismi sifatida xalqaro miqyosda tan olingan Qorabog‘ va unga qo‘shni yetti mintaqani bosib olishi bilan taranglashdi.

Ozarbayjon, 2020 - yilning kuz mavsumida 44 kun davom etgan urushda yuqorida nomi tilga olingan tuprog‘ining yirik qisimi qutqardi. Bu urush, normallashish va chegaralarni belgilash bo‘yicha muzokaralarga yo‘l ochgan Rossiya yordamida tinchlik shartnomasi bilan yakun topdi.

2023 - yilning sentabr oyida, mintaqadagi separatistik kuchlarning taslim bo‘lishi bilan esa Qorabog‘da to‘liq qutqarilib, tinchlik o‘rnadi.