Prezident Rejep Tayyip Erdo‘g‘an bugun Budapeshtga tashrif uyushtiradi. Bu haqida Turkiya Respublikasi Prezidenti Administratsiyasi huzuridagi axborot va kommunikatsiyalar boshqarmasi boshlig‘i Faxrettin Altun ma’lumot bo‘lishdi. Ushbu ma’lumotga ko‘ra Prezident Erdo‘g‘an mazkur tashrifi chog‘ida, Turkiy Davlatlari Tashkiloti (TDT) tomonidan turkiy davlatlari o‘rtasidagi hamkorlikni kuchaytirish maqsadida uyushtirgan norasmiy sammitda ishtirok etadi.  

«Sharq bilan G‘arbning uchrashish nuqtasi» degan nom ostida uyushtirilgan sammit, 2025 - yilning 20 – 21 – mayi kunlari Vengriya poytaxti Budapesht shahrida o‘tkaziladi.

Liderlarning Turkiy Davlatlari Tashkilotining institutsional tuzilmasini mustahkamlash masalasi ustidan olib borilgan faoliyatlarni ko‘rib chiqishi va Budapesht Deklaratsiyasi jumladan muhim qarorlar qabul qilishi kutilmoqda.

Prezident Erdo‘g‘an shuningdek sammit doirasida bo‘lib o‘tishi rejalashtirilgan Davlat rahbarlari kengashi yig‘ilishida ham ishtirok etadi.

Turkiy Davlatlari Tashkiloti

Faxrettin Altun kecha bergan bayonotida qayd etganidek, Prezident Erdo‘g‘an sammit doirasida unda ishtirok etgan ko‘plab liderlar bilan o‘zaro uchrashuvlar o‘tkazadi. Uchrashuvda, Turkiyaning Turk dunyosi bilan bo‘lgan aloqalarini chuqurlashtirishda qay darajada qarorli ekanini ta’kidlaydi.

Turkiy Davlatlari Tashkilotiga Turkiya, Ozarbayjon, Qozog‘iston va Qirg‘iziston to‘liq a’zodir. Vengriya, Turkmaniston va Shimoliy Kipr Turk Respublikasi esa kuzatuvchi maqomiga ega.

Vengriyaning ushbu sammitga mezbonlik qilishidan maqsad, Turk dunyosi hamkorligi orqali Sharq bilan G‘arb munosabatining mustahkamlanishida muhim rol o‘ynashdir.

Bu sammit, ortib borayotgan mintaqaviy va geopolitik murakkabliklar davrida amalga oshirilmoqda. Eng muhimi, tashkilotga to‘liq a’zo bo‘lgan davlatlar bilan kuzatuvchi davlatlarga madaniy, tarixiy va strategik aloqalar orqali ildiz otgan umumiy maqsadlar va birlikni qayta tasdiqlash imkoni bermoqda.