Papa Fransisk zotiljam tufayli besh haftadan beri Rimdagi Gemelli shifoxonasida davolanayotgan edi. Endlikda, shifokorlarning ruxsati bilan Vatikandangi rezidensiyaga qaytishni rejalashtirmoqda.
Roppa – rosa 88 yoshli katolik cherkovi rahbari sog‘ligi tiklangani haqidagi xabarni olganidan xursand ekanini ta’kidladi. Bu haqida shifokorlardan Sergio Alfieri, shanba kuni ma’lumot bergan.
Ammo yoshligida bir o‘pkasining bir qismi olib tashlangan papa, sog‘ligining butunlay tiklanishi kamida ikki oy olishi mumkinligini qayd etdi. Papa Fransiskning, shifoxonadan tushdan keyin chiqishi kutilmoqda.
Vatikanning ma’lum qilishicha, u shifoxonadan chiqishdan oldin, shifoxona oldida yaxshi tilaklar izhor qilganlarga duo qiladi. Bu uning 14 - fevraldan keyin xalq oldida qayd etilgan birinchi ko‘rinishi hisoblanadi.
Papa Fransisk o‘z vazifasini bundan 12 yil muqaddam ya’ni 2013 – yili boshladi va ana shundan beri 4 marotaba shifoxonada davolandi. Uning bu galgi shifoxona jarayoni uning eng uzoq muddat davom etgan davolanish jarayoni sifatida qayd etilmoqda. Bu holat papa Fransiskning sog‘ligi zaiflashganidan dalolat berar ekan, uning iste’foga chiqib chiqmasligi borasidagi mish – mishlarni orttirdi. Zero, undan oldin faoliyat yuritgan Benedikt XVI shunday qilgandi.
Dam olish vaqti
Papaning shifokorlari shanba kuni Gemelli shifoxonasida jurnalistlarga bergan bayonotida, Fransiskning ahvoli ancha yaxshi ekanini ifoda etdi. Vatikan esa, chorshanba kuni, papa kislorod niqobisiz nafas olayotgani haqida ma’lumot bo‘lishgandi.
Ammo Alfieri: «Uyda yana – da yaxshiroq bo‘ladi. Chunki, shifoxona bo‘lishiga qaramay davolanish uchun munosib yer emasdir. Sababi esa, infektsiya xavfidir» - dedi.
Shifokorning aytishicha, Rim Papasi Fransisk yakshanba kuni shifoxonadan chiqadi va Vatikandagi uyiga qaytadi. Ammo, Frensisk, uyiga qaytar qaytmas o‘z vazifasini davom ettira olmaydı. Chunki uning hozircha dam olishga ehtiyoji bor.
Pasxa bayramini nishonlash haqidagi savollar
Shu bois, Pasxa bayramigacha bo‘lgan diniy tadbirlar dasturini kim boshqarishi haqidagi savollar davom etmoqda. Papa, har yakshanba kuni papalik tomonidan o‘qiladigan Angelus duosini besh hafta o‘tkazib yubordi.
Dushanba kuni, Fransiskning iste’fo berishi haqidagi taxminlar bo‘yicha jurnalistlar bergan savollarga javob bergan Vatikan Davlat kotibi Pietro Parolin: «Yo‘q, yo‘q, yo‘q, unday emas», - dedi.
Dunyoning turli burchaklaridagi katoliklar va boshqalar Papa tezda sog‘ayib ketishi uchun duo qilmoqdalar. Ko‘pchilik, Gemelli shifoxonasi oldida Fransisk uchun gullar, shamlar va xatlar qoldirmoqda. Papa shifoxonada yotgan paytining eng tashvishli bosqichida, bir necha haftaga qadar kislorod niqobi yordamida nafas oldi.
Shifokorlar, ikki marta hayoti xavf ostida ekani va juda nozik davrni boshdan kechirayotgani ammo ongining ochiq ekani haqida ma’lumot bo‘lishdi. Xuddi shu jarayondan bir oy o‘tib, xavfli jarayondan o‘tgani yoki qutilgani aytildi.
Rim Papasi Fransisk joriy yilning 14 - fevralidan beri xalq oldiga chiqmadi ammo Vatikan 16 – mart kuni uning shifoxonadagi xonasida duo qilayotgani tasvirga olingan fotosuratini bo‘lishdi. 6 – mart kuni esa, zaif ovoz bilan gapirgan holda o‘zi uchun duo qilganlarga minnatdorchilik bildirgan ovoz yozuvi tarqatildi.
