Isroil harbiylari shanba kuni bergan bayonotida, G‘azodagi tez yordam mashinalaridan shubhalanganlari bois o‘q uzganliklarini tan oldi. Hamas esa, nomi tilga olingan voqeada kamida 1 kishi jon berganini ifoda etar ekan voqeani, «urush jinoyati» sifatida baholadi.
Mazkur voqea joriy yilning 20 – marti kuni, boshqacha qilib aytganda o‘tgan haftada, Misr chegarasiga yaqin nuqtada o‘rin olgan Rafoh shahridagi Tel al - Sulton mahallasida sodir bo‘lgan.
Isroil armiyasi AFPga bergan bayonotida, «Isroil askarlari Hamasga oid mashinalarga qarshi o‘q uzdi va bir necha Hamas a’zosi ta’sirsiz holga keltirildi. Bir necha daqiqadan so‘ng, boshqa mashinalar harbiylar tomon shubha uyg‘otuvchi tarzda yaqinlashdi. Haribiylar, xuddi shu mashinalarga qarshi javob tariqasida o‘q uzdi va ko‘plab Hamas va Islomiy jihod a’zosi ta’sirsiz keltirildi». – dedi.
Harbiylar yuqorida nomi tilga olingan mashinalardan o‘q uzilib - uzilmagani haqida esa hech qanday ma’lumot bermadi.
Bayonotda shuningdek, «Ilk tekshiruvlar ortidan shubhali mashinalardan ba’zilarining tez yordam va o‘t o‘chiruvchi mashinalar ekani aniqlandi», - deyildi.
Qasddan qo‘l urilgan shafqatsiz qatliom
Voqea sodir bo‘lganidan bir kun o‘tib, G‘azoning harbiy bo‘lmagan mudofaa agentligi, Tel al - Sulton hududidagi qurbonlar va tan jarohati olganlarga yordam berish uchun yuborilgan qutqaruvchilardan iborat bo‘lgan guruh bilan aloqa o‘rnatish imkoni bo‘lmagani haqida gapirdi.
Juma kuni, tez yordam va o‘t o‘chiruvchi mashina topilgani va Falastinning Qizil yarim oy jamg‘armasiga oid bir mashinaning ham vayron qilingani bildirildi.
Hamasning siyosiy byurosi a’zosi Basem Naim, Isroilni, Rafoh shahrida harbiy bo‘lmagan mudofaa guruhi bilan Falastin Qizil yarim oy jamg‘armasi xodimlariga qarshi qasddan va shafkatsizlardek qatliom uyushtirganlikda aybladi.
«Xalqaro gumanitar huquq asosida himoya qilingan qutqaruv guruhlarini nishonga olib, ularning o‘ldirilishi, Jeneva konventsiyalarining ochiq - oydin paymol qilinishi va eng muhimi urush jinoyati hisoblanadi». – dedi.
Falastinliklar shifoxona to‘shaklarida o‘ldirildi
Birlashgan Millatlar Tashkilotining Gumanitar masalalarni muvofiqlashtirish idorasi rahbari Tom Fletcher, 18 - martdan beri Isroil tomonidan aholi zich yashaydigan hududlarga qarshi havo hujumlari uyushtirilgani va oqibatida yuzlab tinch aholi o‘ldirilgani, eng yomoni ular orasida yosh bolalar ham borligini qayd etdi.
Fletcher shuningdek: «Shifoxona to‘shaklarida o‘ldirilgan bemorlar, tez yordam mashinalariga qarshi o‘q uzilishi va ilk yordam ko‘rsatuvchilarning ta’sirsiz holga keltirilishi der ekan ayni vaqtda gumanitar huquqning asosiy tamoyillari hali ham ahamiyatga ega bo‘lsa unda xalqaro hamjamiyat ularni himoya qilish uchun imkon borida harakat qilishi zarur». – dedi.
