AQSh Mudofaa vaziri Pete Hegsethning qayd etishicha Yaponiya Xitoyning tahdidli harakatlariga qarshi Vashingtonning mintaqada, ayniqsa, Tayvan bo‘g‘ozida samarali ish olib borishiga salmoqli hissa qo‘shmoqda va bu jarayonda muhim rol o‘ynamoqda.
“Armiyalarimiz kuchini to‘g‘ri aks ettiruvchi bir xil jangchi ruhiyatga egamiz”, - degan Hegseth, Tokioda, Yaponiya Mudofaa vaziri Gen Nakatani bilan uchrashdi.
Pentagon, Yaponiyani, Hint - Tinch okeani mintaqasida tinchlik va xavfsizlikning tamal toshi sifatida ta’kidlar ekan, ayni vaqtda, Prezident Donald Tramp ma’muriyati ham avvalgi ma’muriyatlar kabi asosan Osiyo ittifoqchisi bilan yaqin hamkorlik ichida faoliyat yuritishini, eng muhimi buni davom ettirishini ta’kidladi.
Yaponiyada AQShning taxminan 50,000 nafar harbiy xizmatchisi, harbiy samolyot flotlari va Vashingtonning xorijda joylashgan yagona aviatashuvchi kemasi mavjud. Yaponiya orollari, Xitoyning harbiy kuchini cheklashda strategik o‘ringa egadir.
Hegsethning Yaponiya haqidagi maqtovlari, fevral oyida Yevropadagi ittifoqchilarini tanqid qilgan bayonotlari bilan mos kelmayapdi. Chunki o‘sha paytda Hegseth, Yevropa davlatlarini, AQShning qit’adagi harbiy o‘rnini mutlaq kafolat sifatida qabul qilmaslik kerakligi haqida ogohlantirgan edi.
Shanba kuni, AQSh va Yaponiya kuchlari o‘rtasida 80 yil muqaddam shiddatli janglarga sahna bo‘lgan Ivo Jima orolida uyushtirilgan yodga olish marosimida ishtirok etdi.
Tajovuzkor Xitoy
Hegseth shuningdek, AQShning Tayvan bo‘g‘ozida ham doxil Hing - Tinch okeanida o‘z kuchini saqlab qolishini ifoda etar ekan ayni vaqtda Xitoyni, “tajovuzkor va zo‘rovon” sifatida baholadi.
"Amerika Hind - Tinch okeani mintaqasida, ayniqsa Tayvan bo‘g‘ozida ishonchli kuchga egadir va buni qarorlilik bilan saqlab qoladi”, - dedi.
So‘nggi yillarda Pekin Tayvan atrofida harbiy bosimni kuchaytirdi, jumladan, deyarli har kuni havo sohasi qoidalarini paymol qilmoqda. Xitoy yetakchiligi, o‘z - o‘zini boshqargan orolni nazorat ostiga olish uchun kuch ishlatishdan voz kechmasligini bir necha bor ifoda etdi.
