Turkiya vitse - prezidenti Jevdet Yilmazning ma’lum qilishicha, 2017 - yildan beri Turkiyada jon saqlagan suriyalik 885 ming 642 kishi o‘zi tug‘ilib o‘sgan yurtiga, vataniga qaytdi.

Jevdet Yilmaz dushanba kuni «X» ijtimoiy tarmoq orqali bergan bayonotida:

«Yurtiga qaytganlar eng avvalo faqatgina qo‘shni davlatlarda olib borilgan amaliyotlar yordamida tashkil etilgan xavfsiz hududlarga joylashdi. Diktator rejimning qulashi bilan esa o‘z yurtiga qaytganlar soni ortdi». – dedi.

Migratsiya boshqarmasi ma’lumotlariga ko‘ra Bashar al – Asad rejimining qulashidan hamon keyin, boshqacha qilib aytganda 2024 - yilning 9 - dekabridan beri suriyalik 145 ming 639 kishi o‘z yurtiga, o‘z xohishi bilan qaytdi.

Turkiya vitse – prezidenti Jevdet Yilmaz so‘zlari davomida: «Suriya xavfsizlik sharoitlari, asosiy xizmatlar va iqtisodiy muhit yaxshilangan sari, bu raqamlar jadal ravishda o‘sishi mumkin». – dedi.

Bundan avval Turkiya Tashqi Ishlar vaziri Hakan Fidan, Suriyada kundalik hayot sharoitiga qaytish muhim ekanini ta’kidlagandi.

Hakan Fidan: «Oddiy hayot sharoitiga qaytmagunga qadar ham Turkiyadagi ham da qo‘shni davlatlardagi muhojirlarning yurtiga qaytishi imkonisz. Hozirda, ma’lum siljishlar bor ammo bular yetarli emas albatta. Eng muhimi, xavfsizlik va barqarorlikni ta’minlash va o‘rnatishdir». – dedi.

Bashar al - Asad Suriyani 25 yil boshqardi va o‘tgan 2024 – yilning 8 – dekabri kuni muxolifat guruhning poytaxt Damashqni egallab olishi ortidan Rossiyaga qochdi. Bu orqali, 1963 – yildan beri davom etgan Baas partiyasi rejimi tugadi.

Asadni qulatish uchun muxolif kuchlarga yetakchilik qilgan Ahmed al - Sharaa, joriy yilning 29 – yanvari kuni vaqtinchalik «Suriya hukumati rahbari» deb e’lon qilindi.