Xitoy yillar davomida amal qilgan Yaponiya dengiz mahsulotlariga qo‘yilgan to‘liq taqiqni qisman bekor qildi, bu haqda Xitoy bojxona idoralari ma’lum qildi.

Xitoyning Bojxona Bosh boshqarmasi yakshanba kuni bergan bayonotida, xalqaro va mustaqil Xitoy tadqiqotlari hamda uzoq muddatli monitoring natijasida chiqarilgan oqova suvlarida hech qanday g‘ayritabiiy holatlar aniqlanmagani sababli ushbu qaror qabul qilinganini bildirdi.

Shunga qaramay, Tokio va Fukusima kabi 10 ta Yapon prefekturasidan keladigan suv mahsulotlariga taqiq hali ham amal qiladi.

To‘liq taqiq 2023-yil avgust oyida Tokio Elektr Tarmog‘i Kompaniyasi (Tepco) Fukusima Dayichi atom elektr stansiyasidan tozalangan radioaktiv oqova suvlarni Tinch okeaniga chiqarishni boshlaganidan keyin joriy etilgan edi.

Taqiqning qisman bekor qilinishi, shuningdek, Yaponiya hukumatining Xitoyga eksport qilinadigan mahsulotlarning xavfsizligi va sifatini ta’minlashga va’da berganidan keyin amalga oshirildi.

Eksport qiluvchilar Xitoyga eksport qilish uchun Yaponiya hukumatidan radioaktiv moddalar bo‘yicha tekshiruv sertifikatini olishlari talab qilinadi.

Yaponiya Xitoyni 10 ta prefekturaga qo‘yilgan taqiqni bekor qilishga undashda davom etishini ma’lum qildi, deb xabar berdi The Japan Times.