AQSh Prezidenti Donald Trump, Xitoyning ByteDance kompaniyasiga oid va 170 million nafar amerikalik tomonidan foydalanilgan TikTok ijtimoiy tarmogʻini joriy yilning 5 - apreligacha sotish masalasi ustidan kelishuvga erishishini ma’lum qildi.
Trump, yanvar oyida qabul qilingan 2024 - yil qonuni doirasida TikTok ijtimoiy tarmogʻining milliy xavfsizlik yuzasidan taqiqlanmasligi uchun Xitoydan tashqarida joylashgan xaridor topishi kerakligi va bu jarayonni yakunlash uchun oxirgi muddat 5 - aprel ekanini ta’kidlagan edi.
«Ko‘plab potentsial xaridor bor», - degan Tramp, yakshanba kuni kechqurun Air Force One samolyotida jurnalistlarga bayonot berdi va unda:
«TikTok ijtimoiy tarmogʻiga boʻlgan qiziqish katta. Shunday ekan TikTok faoliyatini davom ettirishini istayman», - degan ifodalarga oʻrin berdi.
TikTok mavzu haqida hali hanuz hech qanday bayonot bermadi.
Reuters agentligiga ko‘ra, Blackstone xususiy investitsiya shirkati TikTok ijtimoiy tarmog‘ining AQShdagi faoliyatiga kichik sarmoya kiritish imkoniyatini ko‘rib chiqmoqda. Mavzuga yaqin ikki manba ma’lumotiga ko‘ra esa, Blackstone, ByteDance shirkatining Susquehanna International Group va General Atlantic yetakchiligidagi mavjud Xitoydan tashqaridagi aksiyadorlariga qo‘shilish hamda TikTok tarmog‘ining AQShdagi faoliyatini sotib olish uchun qo‘shimcha mablag‘ ajratish masalasini muhokama qilmoqda.
Ushbu guruh bugunga qadar kuzatilgan eng kuchli, boshqacha qilib aytganda eng asosiy da’vogar sifatida ko‘rilmoqda.
Vashington TikTok tarmog‘ining ByteDance tomonidan boshqarilishi va uni Xitoy hukumati nazoratiga ochib qo‘yilishi ehtimoli yuqori ekanini qayd etmoqda. AQSh ma’muriyati, Pekinning TikTok tarmog‘i orqali Amerikaga qarshi amaliyot uyushtirish va amerikalik foydalanuvchilar ma’lumotlarini to‘plash uchun foydalanishi mumkinligini ham ilgari surmoqda.
Tramp ilgari, ijtimoiy tarmoq ilovasi bo‘yicha kelishuvga erishilmasa unda aprel oyidagi oxirgi muddatni uzaytirishga tayyor ekanini ifoda etgandi.
O‘tgan hafta kelishuvning tamomlanishida Xitoy o‘rinini tan olgan Tramp, buni amalga oshirish uchun ularning bojxona tariflarida yengillik yoki boshqa biror qulaylik berishni rejalashtirgani haqida gapirgandi.
AQSh vitse - prezidenti JD Vance, ijtimoiy tarmoq platformasining egaligi bo‘yicha kelishuvning asosiy jihatlari 5 - aprelgacha aniqlashtirilishini kutayotganini bildirdi.
O‘tgan 2024 - yili ko‘pchilik tomonidan qabul qilingan qonunga ko‘ra ByteDance kompaniyasi TikTok ijtimoiy tarmog‘idagi ulushlarini 19 - yanvargacha sotishi majburiy holga keltirilgan edi ammo platformaning kelajagi haligacha noaniq.
Oq uy, katta qiziqishga yo‘l ochgan ushbu kelishuv muzokaralarida kutilganidan ham faol ishtirok etmoqda va bu orqali investitsiya banki sifatida harakat qilmoqda.
