СПОРТ
4 МИН ЧИТАЊЕ
Милан му се одмази на ПСЖ, нов пораз на Црвена Звезда
Манчестер сити и Лајпциг по победите над Јанг бојс и Црвена ѕвезда, веќе и теоретски обезбедија пласман во осминафиналето, а по триумфот на Милан во „групата на смртта“ сите четири тима имаат големи шанси за пласман во осминафиналето
Милан му се одмази на ПСЖ, нов пораз на Црвена Звезда
„Росонерите“ ќе играат одлучувачки меч со Борусија во следното коло / Photo: AA
8 ноември 2023

Триумфот на Милан во дербито против ПСЖ ги одбележа синоќешните натпревари од четвртото коло на Лигата на шампионите, по кое ги имаме првите две екипи кои обезбедија пласман во осминафиналето, но и три кои сигурно во февруари нема да ги гледаме во најквалитетното европско клупско натпреварување.

Манчестер сити и Лајпциг по победите над Јанг бојс и Црвена ѕвезда, веќе и теоретски обезбедија пласман во осминафиналето, со оглед на тоа дека “граѓаните“ имаат максимални 12 бода, а Лајпциг три помалку и теоретски не можат да бидат стигнати од своите конкуренти.

Две од трите екипи кои испаднаа се токму во нивната група. Јанг бојс и Црвена ѕвезда имаат само по еден бод и во последните две кола ќе водат битка за третата позиција која носи утешна награда и европска пролет, но во Лигата на Европа.

Третата екипа која е веќе испадната е белгиски Антврпен, кој со нула бодови е закован на дното на табелата во групата Х, но и со минимални шанси за пласман и во Лигата на Европа, со оглед на тоа дека третопласираниот Шахтар има шест бодови на две кола до крајот.

ПСЖ не успеа да ја повтори партијата од „Паркот на принцовите“ и не беше ниту одблиску на исто ниво на синоќешниот натпревар на „Сан Сиро“, кој Милан го искористи за „слатка одмазда“ и важни три бода.

„Групата на смртта“ влегува во црвена фаза и сега сите четири тима имаат големи шанси за пласман во осминафиналето во Лигата на шампионите, со тоа што Милан со пресврт победата сега има 5 бода, 1 помалку од ПСЖ и два од Борусија Дортмунд.

„Росонерите“ ќе играат одлучувачки меч со Борусија во следното коло, додека ПСЖ ќе го пречека Њукасл и ќе брка поволен резултат за да избегне големи непријатности во последното коло.

ГРУПА Е:

Атлетико Мадрид - Селтик 6:0 (Гризман 6., 60., Мората 45.+2.76., Лино 66., Нигез 85.)

Лацио - Феенорд 1:0 (Имобиле 45.+1)

Табела: Атлетико М. 8 б, Лацио 7б, Фенорд 7б, Селтик 1б.

ГРУПА Ф:

Милан - ПСЖ 2:1 (Леао 12. Жиру 50./Шкрињар 9.)

Борусија Дортмунд - Њукасл 2:0 (Фулкруг 26., Брант 79.)

Табела: Борусија Д. 7б, ПСЖ 6б, Милан 5б, Њукасл 4б.

ГРУПА Г:

Манчестер Сити - Јанг Бојс 3:0 (Халанд 23. (11м.), 52. Фоден 45.+1)

Црвена звезда - Лајпциг 0:2 (Симонс 8., Опенда 77.)

Табела: Ман. Сити 12б, Ред Бул Лајпциг 9б, Црвена Звезда 1б, Јанг Бојс 1б.

ГРУПА Х:

Шахтјор - Барселона 1:0 (Сикан 40.)

Порто - Антверпен 2:0 (Еванилсон 31. (11м), Пепе 90.+1)

Табела: Барселона 9 б, Порто 9б, Шахтјор 6б, Антверпен 0б.

ИЗВОР:TRT Balkan / агенции
Повеќе
ЕУ: Подготвуваме противмерки за царините на Трамп, последиците ќе бидат страшни за милиони луѓе
Трамп прогласи економска независност и воведе реципрочни тарифи ширум светот
Трамп очекува наскоро Маск да се повлече од Белата куќа
Министерот Фидан ќе присуствува на состанокот на НАТО во Брисел
Бројот на загинати во земјотресите во Мјанмар надмина 3.000
Произраелските групи притискаат да се прекине мандатот на Франческа Албанезе во ОН
Протест во Сараево поради лошата економска ситуација и високите трошоци за живот
Сојузот на синдикати на С. Македонија на протест, бара зголемување на минималната плата на 500 евра
Кристин Лагард: Тарифите на Трамп ќе имаат негативни последици ширум светот
Сијарто најави дека Унгарија и Србија ќе градат нов нафтовод до 2028 година
Велика Британија воведе електронски дозволи за влез на европските државјани
Косово сака да потпише договор за стратегиска соработка со Велика Британија во областа на одбраната
Мицотакис: Грција има намера да потроши 25 милијарди евра за одбрана во наредните години
Вучевиќ: СНС утре ќе дојде на консултации кај Вучиќ со неколку имиња за мандатарот на новата влада
Кандидатот за врховен судија во кој Маск вложи милиони долари загуби на изборите во Висконсин
Погледнете во TRT Global. Споделете го своето мислење!
Contact us