СВЕТ
3 МИН ЧИТАЊЕ
Газа: Најмалку 14.000 палестински деца загинаа во израелските напади
Израелските сили од 7 октомври 2023 годинаизвршиле 2.807 масакри во Газа,  а меѓу жртвите има најмалку 9.220 жени, додека 7.000 останале под урнатините или се водат како исчезнати, се наведува во новиот извештај на Канцеларијата за печат на Газа
Газа: Најмалку 14.000 палестински деца загинаа во израелските напади
Околу 17.000 деца во Газа сега се без еден или двајцата родители поради немилосрдните напади / Photo: AA
19 март 2024

Најмалку 14.000 деца се убиени во израелските напади врз Појасот Газа од 7 октомври минатата година, објави во вторникот Канцеларијата за печат во палестинската енклава.

Израелските сили извршиле 2.807 масакри во Газа од 7 октомври 2023 година, според Канцеларијата за печат во новиот извештај.

Се наведува дека меѓу жртвите имало најмалку 9.220 жени, додека 7.000 останале под урнатините или се водат како исчезнати.

Во извештајот се наведува дека 72 отсто од жртвите биле жени и деца, додека 27 лица исто така починале од неухранетост бидејќи Израел спречува неопходната хуманитарна помош да влезе на блокираната територија.

Се наведува дека загинале 364 здравствени работници, 48 службеници за цивилна заштита и 135 новинари.

Околу 17.000 деца во Газа сега се без еден или двајцата родители поради немилосрдните напади што ги започна Израел како одговор на прекуграничниот напад на Хамас во кој загинаа 1.200 луѓе.

Прес-службата објави дека 11.000 лица со повреди опасни по живот имаат потреба од лекување надвор од Газа, додека 10.000 пациенти со канцер се во ризик поради несоодветните здравствени услуги.

Состојбата на околу 60.000 бремени жени и 350.000 луѓе со хронични заболувања е опишана како опасна по живот.

Според статистичките податоци, повеќе од 70.000 куќи биле целосно уништени во израелското бомбардирање, додека 290.000 куќи биле оштетени и се неупотребливи за живеење.

Утврдено е дека израелската армија уништила 168 државни згради и 100 училишта и универзитети, додека 305 училишта и универзитети биле делумно оштетени.

Во извештајот се наведува дека од нападите биле оштетени 290 џамии, од кои 224 биле целосно уништени, а цел биле и 155 здравствени установи.

ИЗВОР:AA
Повеќе
ЕУ: Подготвуваме противмерки за царините на Трамп, последиците ќе бидат страшни за милиони луѓе
Трамп прогласи економска независност и воведе реципрочни тарифи ширум светот
Трамп очекува наскоро Маск да се повлече од Белата куќа
Министерот Фидан ќе присуствува на состанокот на НАТО во Брисел
Бројот на загинати во земјотресите во Мјанмар надмина 3.000
Произраелските групи притискаат да се прекине мандатот на Франческа Албанезе во ОН
Протест во Сараево поради лошата економска ситуација и високите трошоци за живот
Сојузот на синдикати на С. Македонија на протест, бара зголемување на минималната плата на 500 евра
Кристин Лагард: Тарифите на Трамп ќе имаат негативни последици ширум светот
Сијарто најави дека Унгарија и Србија ќе градат нов нафтовод до 2028 година
Велика Британија воведе електронски дозволи за влез на европските државјани
Косово сака да потпише договор за стратегиска соработка со Велика Британија во областа на одбраната
Мицотакис: Грција има намера да потроши 25 милијарди евра за одбрана во наредните години
Вучевиќ: СНС утре ќе дојде на консултации кај Вучиќ со неколку имиња за мандатарот на новата влада
Кандидатот за врховен судија во кој Маск вложи милиони долари загуби на изборите во Висконсин
Погледнете во TRT Global. Споделете го своето мислење!
Contact us