Турскиот министер за надворешни работи Хакан Фидан денес изјави дека Анкара во потполност му се противи на предлогот на Доналд Трамп Палестинците да се протераат од Газа и да се пратат во други земји.

Говорејќи на заедничката прес-конференција со катарскиот премиер и министер за надворешни работи, шеикот Мохамед бин Абдулрахман ал-Тани, Фидан рече дека предлогот е спротивен на хуманитарното право.

Тој истакна дека сите треба да се спротивстават на планот, додавајќи дека Анкара ја поддржува неодамнешната декларација од Каиро во врска со Палестинците во Газа.

Фидан од денес се наоѓа во дводневна посета на Катар.