Со снежна покривка се прекриени светски познатиот манастир „Сумела“ во местото Мачка во турската област Трабзон и долината Алтиндере во која се наоѓа, известува Анадолу.

Снежните врнежи, кои започнаа синоќа на повисоките делови на регионот и продолжија со прекини, ги зафатија и долината Алтиндере и нејзината околина во местото Мачка.

Манастирот „Сумела“, познат во јавноста како манастир „Богородица“, кој е издлабен во карпите на надморска височина од приближно 300 метри на падините на Карадаг со поглед на долината Алтиндере, прекриен е со снежна покривка.

Историскиот манастир и долината, кои се наоѓаат на привремената листа на светско наследство на УНЕСКО, на посетителите им нудат можност да видат пејзаж што воодушевува.

Дрвјата, фонтаните и делови од потокот во долината, исто така, се прекриени со снег.

Манастирот „Сумела“ и долината Алтиндере, кои секоја сезона привлекуваат голем број локални и странски гости, по врнежите од снег снимени се од воздух, глетка што прикажува прекрасен пејзаж.

„Врнежите од снег додадоа поинаква атмосфера“

Осман Ондер, кој дошол да го посети манастирот „Сумела“ од турскиот град Самсун, за дописникот на АА изјави дека многу му се допаднал манастирот.

Зборувајќи дека снежните врнежи се доминантни во регионот, Ондер истакна:

„Снежните врнежи дадоа поинаква атмосфера. Манастирот е поубав за фотографирање во летните месеци, но и снегот има поинаква аура.“

Зборувајќи дека вреди да се видат и зимските пејзажи, Ондер продолжи со зборовите:

„Оние што се во можност нека дојдат да ги посетат, да ги видат. Овие места се прекрасни и во зима.“