Шефот на турската дипломатија, Хакан Фидан, ги коментираше актуелните настани за американскиот телевизиски канал „Блумберг“.

Запрашан дали Трамп ќе го промени американскиот став за пристапувањето на Украина во НАТО, министерот Фидан изјави: „Не сум сигурен дали и претходната администрација беше за влез на Украина во НАТО. Од тие причини мислам дека нема нова политика по ова прашање.“

Во врска со можното членство на Украина во НАТО, Фидан рече дека за ова прашање разговарале со своите европски партнери и украински пријатели и дека треба да се разбере дека Украина го бара тоа не само за да стане членка на НАТО, туку и за да ја осигури безбедноста на земјата.

„Ние не велиме ништо за нивната желба да станат членка на НАТО, но мораме да бидеме многу реални. Ова е нашиот официјален став, кој го објави и нашиот претседател Ердоган“, заклучи Фидан.