Најмалку пет Палестинци се убиени, а неколку други се повредени во новите израелски напади врз Појасот Газа, објави палестинската новинска агенција Вафа.

Пет цивили беа убиени, а неколку лица се водат како исчезнати под урнатините на куќа во бегалскиот камп Шати, западно од градот Газа, откако таа беше цел на израелски воени авиони.

Дополнително, неколку цивили, вклучувајќи деца, беа убиени и повредени во друг израелски напад насочен кон шатори во кои се засолнуваат раселени лица во населбата Ал-Римал, западно од Газа.

Отфрлајќи ги меѓународните повици за прекин на огнот, Израел спроведува брутална офанзива врз Газа од крајот на октомври 2023 година, при што загинаа речиси 58.400 Палестинци, повеќето од нив жени и деца.

Немилосрдното бомбардирање ја уништи енклавата и доведе до недостиг на храна и ширење на болести.

Минатиот ноември, Меѓународниот кривичен суд издаде налози за апсење на израелскиот премиер Бенјамин Нетанјаху и неговиот поранешен министер за одбрана Јоав Галант за воени злосторства и злосторства против човештвото во Газа.

Израел, исто така, се соочува со случај за геноцид пред Меѓународниот суд на правдата поради својата војна против енклавата.