Специјалната известувачка на ОН за Палестина, Франческа Албанезе, денес изјави дека Израел неказнето го крши меѓународното право уште од своето основање и дека резултатот е континуираниот „геноцид“ против Палестинците во Појасот Газа.

„Денес се соочуваме со резултатот од речиси половина век неказнивост. Јас бев првата што го осуди бидејќи сум личноста што 24/7 следи што се случува на окупираните територии, како Палестинците беа нарекувани „човечки животни“. Белег на геноцидот е уништувањето на група луѓе“, рече Албанезе.

Во интервју за шпанските медиуми, таа истакна дека Израел е закана за глобалната безбедност и дека запирањето на Израел е најдобриот начин да се заштитат Израелците.

Албанезе рече дека Хуманитарната фондација за Газа (ГХФ), која е поддржана од САД и Израел, е „еден од најсуровите експерименти“ што ги видела, со оглед на тоа што 450 луѓе се убиени на контролните пунктови на овие центри за помош од мај.

„Палестинците го нарекуваат Игри на глад. Тоа не е помош. Тие убиваат луѓе што гладуваат. Ние, државите, мора да ја прекинеме блокадата. Мора да испратиме хуманитарна помош со нашите бродови. Наша одговорност е да го запреме геноцидот“, вели Албанезе.

Таа рече дека има докази дека причината зошто геноцидот досега не е запрен е тоа што е профитабилен за многумина.

„Сигурна сум дека ќе се засрамиме кога ќе сфатиме сè што Израел им направил на Палестинците, но ќе биде предоцна“, рече таа.