КУЛТУРА
3 МИН ЧИТАЊЕ
Фактори кои придонесоа за летниот бран на Ковид-19 во Европа
Ширењето на новите подваријанти на Ковид-19, како и зголемениот број на патувања и собирите во текот на летните месеци се клучните фактори за раст на случаите во Европа, оценува регионалниот директор на СЗО за Европа
Фактори кои придонесоа за летниот бран на Ковид-19 во Европа
Новите случаи на Ковид-19 се дуплираа во последните месец дена ширум Европа     Фото:  / AA
29 јуни 2022

Бројот на случаи од Ковид-19 би можел да расте во текот на летото и да доведе до повеќе смртни случаи. На ова предупредува регионалниот директор на Светската здравствена организација (СЗО) за Европа, др. Ханс Хенри П. Клуге во интервју за Агенција Анадолија (АА). Хенри истакна дека новите случаи на Ковид-19 се дуплираа во последните месец дена ширум Европа.

„Треба да бидеме загрижени поради било какво зголемување на активноста на Ковид-19 во Европа, а тоа е силен потсетник дека не излеговме од проблемот. Зголемената инциденца (застапеност) кај луѓето кои се во ризик од тежок Ковид-19 ќе доведе до зголемен број хоспитализации, повеќе пореметувања во основните здравствени услуги и за жал, може да доведе до пораст на смртните случаи“, вели Хенри.

Најважна порака е луѓето да се вакцинираат против Ковид-19

Според него најважна порака која може да ја испрати до луѓето е да се вакцинираат.

„Особено оние поединци кои имаат хронични болести и повозрасни граѓани. Неколку држави во европскиот регион, особено во источниот дел, имаат низок степен на прифаќање на вакцините во овие приоритетни групи (помалку од 50%). Вакцините овозможуваат најдобра можна заштита од тешки болести и смрт“, порачува директорот на СЗО за Европа.

Запрашан за тоа кои фактори придонеле за ненадеен летен бран на Ковид-19 во Европа, тој оценува:

„Ова лето гледаме две работи, што исто така е образец кој го приметивме во текот на изминатите две лета. Прво е ширењето на новата варијанта, овој пат подваријанти на омикрон наречени БА.4 и БА.5, и второ, зголемен број патувања, собири и настани во текот на летните месеци.“

Хенри истакнува дека без оглед на варијантата, Ковид-19 може да биде многу сериозна болест и може да доведе до тешки краткорочни и долгорочни последици по здравјето.

„Затоа не смееме да бидеме задоволни. За поединци тоа значи вакцинација и барање додатни дози ако се достапни, одржување на хигиената на рацете и носење маска на места каде има гужви и каде социјалната дистанца не е можна. За владите тоа значи континуиран надзор на трансмисијата на заразата во заедницата за да брзо се идентификуваат жариштата и да се воспостават потребните мерки на контрола“, потенцира Хенри.

Одлуките на владите треба да бидат научно основани

Во поглед на тоа дали владите избрзале со одлуките на олабавување на мерките за заштита од коронавирусот, тој вели дека сите влади мораат да донесуваат одлуки за јавното здравство, кои одговараат на нивната епидемиолошка ситуација, единствен контекст и култура.

„Нивните одлуки меѓутоа, треба да бидат засновани на наука“,

ИЗВОР:AA
Повеќе
ЕУ: Подготвуваме противмерки за царините на Трамп, последиците ќе бидат страшни за милиони луѓе
Трамп прогласи економска независност и воведе реципрочни тарифи ширум светот
Трамп очекува наскоро Маск да се повлече од Белата куќа
Министерот Фидан ќе присуствува на состанокот на НАТО во Брисел
Бројот на загинати во земјотресите во Мјанмар надмина 3.000
Произраелските групи притискаат да се прекине мандатот на Франческа Албанезе во ОН
Протест во Сараево поради лошата економска ситуација и високите трошоци за живот
Сојузот на синдикати на С. Македонија на протест, бара зголемување на минималната плата на 500 евра
Кристин Лагард: Тарифите на Трамп ќе имаат негативни последици ширум светот
Сијарто најави дека Унгарија и Србија ќе градат нов нафтовод до 2028 година
Велика Британија воведе електронски дозволи за влез на европските државјани
Косово сака да потпише договор за стратегиска соработка со Велика Британија во областа на одбраната
Мицотакис: Грција има намера да потроши 25 милијарди евра за одбрана во наредните години
Вучевиќ: СНС утре ќе дојде на консултации кај Вучиќ со неколку имиња за мандатарот на новата влада
Кандидатот за врховен судија во кој Маск вложи милиони долари загуби на изборите во Висконсин
Погледнете во TRT Global. Споделете го своето мислење!
Contact us