Фудбалерите на ПСЖ се пласираа во финалето на Светското клупско првенство откако убедливо го победија Реал Мадрид со 4:0 во среда навечер, на стадионот „МетЛајф“ во Њу Џерси.

Еден ден претходно, Челзи го победи бразилскиот Флуминенсе со 2:0, па Челзи и актуелниот освојувач на Лигата на шампионите ПСЖ ќе го играат финалето во недела во 21 часот по средноевропско време.

Францускиот шампион доминираше од самиот почеток на натпреварот кој практично го реши за 20-ина минути.

Фабијан Руиз веќе во 6. минута ја затресе мрежата, а само три минути подоцна, гол постигна и Усман Дембеле. Руиз повторно беше прецизен во 24. минута, додека Гонсалo Рамос ги постигна конечните 4:0 во 87. минута.

Натпреваруварот го одбележа и прошталниот настап на хрватскиот интернационалец Лука Модриќ (39) во дресот на мадридскиот клуб, кој го носеше од 2012 година и со освоени 28 титули е играчот со најмногу трофеи во долгата и богата историја на овој светски фудбалски гигант.