Европската перспектива на регионот, со фокус на спроведувањето на реформите , реализацијата на Планот за раст на ЕУ за Западен Балкан  и унапредувањето на соработката со европските институции, беа главните теми на средбата на македонскиот премиер Христијан Мицкоски и еврокомесарката за проширување и добрососедска политика Марта Кос, денеска во Скопје.

 Мицкоски како што се вели во владиното соопштение на истакнал цврстата определба на владата за интеграција во ЕУ, достоинствено и преку спроведување на суштински реформи во владеењето на правото, економскиот развој и дигиталната трансформација.

 “Еврокомесарката Кос ја поздрави реформската агенда на Владата и ја потврди поддршката на Европската комисија за напредокот на Регионот на европскиот пат. Премиерот нагласи дека средбата претставува потврда за зголемената улога на државата во регионалните и европските процеси, како и признание за новата енергија со која Владата ги води реформите и создава предвидлива и стабилна иднина за сите граѓани”, е наведено во соопштението.

 Кос престојува во дводневна официјална посета на земјата по повод лидерскиот самит на Европската унија и Западен Балкан.