Во рускиот ракетен напад врз Днепар, девет лица загинаа, а околу 153 се повредени, меѓу кои и осумнаесет деца, објави началникот на Днепарската регионална воена администрација (ОВА) Сергеј Лисак.

Тој додаде дека 12 лица се хоспитализирани во тешка состојба.

Лисак претходно истакна дека бројот на жртви сè уште се утврдува, а бројот на погодени од овој напад постојано расте.

„Сепак, можеше да има многу повеќе. Многу од оние што беа во погодената област беа во засолништето во времето на ударот. Тоаа спаси десетици животи“, нагласи началникот на ОВА.

Градоначалникот на Днепар, Борис Филатов, објави дека во регионалниот центар се оштетени 19 училишта, 10 градинки, едно стручно училиште и едно музичко училиште.

„Исто така, беа оштетени и институциите за социјална заштита, како и 8 медицински установи: болница, амбуланти и стоматолошка ординација“, рече тој.

Филатов истакна дека последиците од уништувањето во станбениот сектор се утврдуваат.

Украинската агенција наведува дека според најновите податоци, 11 лица загинале во рускиот напад со балистички ракети врз регионот Днепропетровск: девет во Днепар и две во Самара.