Катар го обнови воздушниот сообраќај и ги врати своите воздушни операции во нормала по привременото нарушување предизвикано од регионалните случувања, соопшти Управата за цивилно воздухопловство (GCAA).

Во соопштението објавено од официјалната новинска агенција воздушната навигација над Катар е нормализирана откако се преземени потребните мерки во координација со надлежните органи.

Катар ервејс соопшти дека ги продолжил летовите по повторното отворање на воздушниот простор.

„Наш приоритет во овој момент е да им помогнеме на патниците безбедно да се вратат дома и без нарушување или да го продолжат своето патување“, соопшти компанијата.

Иран упати проектили од ракети врз американската воена база Ал Удеид во Катар вчера, што претставува драматична ескалација на тензиите откако САД нападнаа три ирански нуклеарни објекти во неделата.

Централната команда на САД (CENTCOM) соопшти дека американските сили, во координација со Катар, успешно го одбиле нападот, потврдувајќи дека нема жртви меѓу американскиот или катарскиот персонал.

Регионалните тензии нагло се зголемија во недела откако САД извршија воздушни напади врз иранските нуклеарни објекти во Фордоу, Натанц и Исфахан.

Американските напади се најновата ескалација во израелската воена офанзива поддржана од САД против Иран, која започна на 13 јуни, поттикнувајќи го Техеран да возврати со ракетни напади врз Израел.

Израелските власти велат дека оттогаш, најмалку 25 лица се убиени во ирански напади, додека стотици се повредени.

Во исто време, најмалку 430 лица се убиени, а повеќе од 3.500 се ранети во израелски напади во Иран, според иранското Министерство за здравство.