Турскиот претседател Реџеп Таип Ердоган и британскиот премиер Кир Стармер во вторникот разговараа по телефон за напредокот во набавката на борбените авиони „Еурофајтер“.

„За време на разговорите биле разгледани билатералните односи меѓу Туркије и Велика Британија, како и регионалните и глобалните прашања, а особено беше анализиран напредокот постигнат во врска со набавката на авионите „Еурофајтер“, се наведува во соопштението на Дирекцијата за комуникации на Туркије на социјалната мрежа X.

Тие додадоа дека споменатиот развој на случувањата би можел позитивно да придонесе за соработката меѓу двете земји.

Туркије, која е втора најголема воена сила во рамките на НАТО, планира да набави 40 борбени авиони „Еурофајтер“, кои се заеднички производ на Велика Британија, Германија, Италија и Шпанија.

Иако Велика Британија е подготвена да ја спроведе продажбата, а сите земји производители освен Германија дадоа поддршка, договорот беше во застој со месеци. Но германскиот канцелар Фридрих Мерц минатата недела наговести за напредок кон можна продажба на авиони „Еурофајтер“ на членката на НАТО, Туркије.

За време на разговорите, претседателот Ердоган изразил оптимизам дека преговорите за ажурирање на Договорот за слободна трговија меѓу Туркије и Обединетото Кралство би можеле успешно да се завршат до крајот на оваа година.

Ердоган, исто така, нагласил дека хуманитарната ситуација во Газа е исклучително тешка, велејќи дека хуманитарната помош мора итно да се достави без одложување.