Turkiga ayaa cambaaraysay weerarradii dhowaa ee lagu qaaday xerada qaxootiga ee Zamzam ee u dhow Al Fasher ee dalka Suudaan, kuwaasoo lagu dilay dad badan oo rayid ah iyo shaqaale gargaar oo bani'aadanimo.
"Waxaan cambaaraynaynaa weerarradii lagu qaaday xerada qaxootiga ee Zamzam ee u dhow Al Fasher, Suudaan, kuwaasoo sababay dilka shaqaalaha gargaarka bani'aadamnimada iyo dad badan oo rayid ah,' ayay Wasaaradda Arrimaha Dibadda ee Turkiga ku tiri bayaan rasmi ah oo ay soo saartay Isniintii.
Iyadoo la xoojinayo mowqifka Ankara ee ka dhanka ah beegsiga dadka aan dagaalamayn, bayaanku wuxuu intaa ku daray: "Bartilmaameedka dadka rayidka ah laguma marmarsiyoon karo duruuf kastoo jirta."
Dhibaatada bini'aadanimo oo sii kordheysa
Wasaaraddu waxay sidoo kale mar kale ku baaqday in la xalliyo xaaladda bini'aadanimo ee sii xumaanaysa ee Al Fasher, halkaasoo isku dhacyada socda iyo go'doominta ay si weyn u xaddideen helitaanka cuntada, biyaha, iyo gargaarka caafimaadka.
"Waxaan ku celinaynaa baaqeena ah in si degdeg ah loo soo afjaro go'doominta Al Fasher iyo dhibaatada dadka Suudaan,' ayaa lagu yiri bayaanka."
Isagoo dib u xaqiijinaya mowqifkeeda diblomaasiyadeed, Turkiga wuxuu hoosta ka xarriiqay sida ay uga go'an tahay madaxbannaanida Suudaan.
"Waxaan markale xaqiijineynaa taageeradeena xooggan ee wadajirka dhuleed iyo madaxbannaanida Suudaan." Ma jirto weli cid sheegatay mas'uuliyadda weerarradii Jimcihii, kuwaasoo yimid iyadoo uu sii kordhayo iskahorimaadka u dhexeeya militariga Suudaan iyo ciidamada militariga la midka ah.
Rabshaduhu waxay barakiciyeen malaayiin waxayna kiciyeen walaac caalami ah oo ku saabsan xaaladaha bini'aadanimo ee sii xumaanaya ee Darfur iyo meelo ka baxsan.
