Golaha sare ee Suudaan ayaa bayaan ay soo saareen ku sheegay in Burhaan uu soo saaray wareegto dastuuri ah oo uu ra’iisul wasaare u magacaabay Idiris oo hore u ahaa sarkaal ka tirsan Qaramada Midoobay isla markaana soo noqday musharax madaxweyne.
Magacaabista Idiris ayaa timid muddo ka yar hal bil kadib markii Burhaan uu u magacaabay Dafallah Al-Xaj Cali inuu noqdo ku simaha Ra'iisul Wasaare ku xigeen.
Golaha Sare ayaa sidoo kale soo saaray wareegto kale oo dastuuri ah oo lagu magacaabay Salma Abdel-Jabbar Al-Mubarak iyo Nawara Abu Mohammed Taher inay noqdaan labadii haweenkii ugu horreeyay ee xubno ka noqda Golahaasi, taasoo tirada xubnaha golaha ka dhigaysa sagaal xubnood.
Bayaan labaad oo uu soo saaray wuxuu yiri, “Al-Burhaan ayaa soo saaray wareegto kale oo dastuuri ah oo uu u magacaabay Salma Abdel-Jabbar Al-Mubarak iyo Nawara Abu Mohammed Taher inay noqdaan xubno ka tirsan Golaha Sare.”
Tani waxay tirada xubnaha golaha ka dhigaysa 9, halka ay horey u ahayd 7, waxaayna ka dhigaysaa Salma iyo Nuwara labadii haween ee ugu horreeyay ee xubin noqda tan iyo July 2022.
Ka hor magacaabista cusub, golaha wuxuu ka koobnaa afar xubnood oo metelayay militariga: Abdelfattaax al-Burhan, Shams al-Din Kabashi, Yasser al-Atta, iyo Ibrahim Jaber, iyo saddex wakiil ka ah kooxaha hubaysan ee saxiixay heshiiskii nabadeed ee Juba 2020: Malik Agar, Yahya Abdullah, iyo Salah al-Din Adam.
Waxaa la filayay in Ra’iisul wasaare cusub oo rayid ah la doorto iyo isku shaandheyn dowladeed ayaa la filayay ka dib markii ciidamada militariga ay la wareegeen gacan ku haynta caasimadda Khartoum, oo ay qabsadeen ciidamada Taageerada degdega ah ee RSF dabayaaqadii bishii March.
Tan iyo bartamihii bishii April 2023, ciidamada Sudan iyo xoogaga Taageerada degdega ah waxay wadeen dagaal ay ku dhinteen in ka badan 20,000 oo qof iyo ku dhawaad 15 milyan oo barokac iyo qaxooti ah, sida ay sheegeen Qaramada Midoobay iyo maamulada maxalliga ah.
Cilmi baaris ay sameeyeen jaamacadaha Mareykanka ayaa lagu qiyaasay in dhimashada ay gaareyso ku dhawaad 130,000.
