Taliyaha Ciidamada Gurmadka Degdegga ah ee RSF ee Suudaan ee RSF ayaa Talaadadii ku dhawaaqay dhismaha dowlad la tartamaysa maamulka rasmiga ah ee ay taageerto ciidamada, laba sano ka dib markii uu bilowday dagaalka naxdinta leh ee dalka ka socda.

"Xuska Sannad-guuradan, waxaan si sharaf leh ugu dhawaaqaynaa aasaaska Dowladda Nabadda iyo Midnimada, oo ah isbahaysi ballaaran oo ka tarjumaya wejiga dhabta ah ee Suudaan,' ayuu Maxamed Xamdan Daglo, oo loo yaqaan Hemedti, ku yiri bayaan uu soo dhigay Telegram."

Arrintan ayaa ku soo beegmaysaa xilli ay UK martigelisay shir caalami ah oo heer sare ah oo ku saabsan Suudaan kaas oo ay ka qayb galeen Midowga Afrika, Midowga Yurub, Faransiiska, iyo Jarmalka, halkaasoo wasiirro arrimo dibadeed iyo hoggaamiyeyaal bini'aadanimo ay isugu yimaadeen si ay u xusaan sannad-guuradii labaad ee colaadda Suudaan.

Wasiirka Arrimaha Dibadda ee Britain David Lammy ayaa shirka uga digay in caqabadda ugu weyni aysan ahayn maalgelinta, laakiin ay tahay "rabitaan siyaasadeed la'aan."

RSF oo lumiyay dhul

Tan iyo 15-kii Abriil, 2023, Ciidamada Taageerada Degdegga ah (RSF) ayaa dagaal kula jira ciidamada dowladda si ay u xukuntaan dalka, taasoo sababtay kumanaan dhimasho iyo mid ka mid ah xaaladaha bani’aadamnimada ee ugu xun adduunka.

In ka badan 20,000 oo qof ayaa la dilay 15 milyanna waa la barakiciyay, sida ay sheegeen Qaramada Midoobay (QM) iyo maamulka maxalliga ah.

Si kastaba ha ahaatee, cilmi-baaris ay sameeyeen aqoonyahanno Mareykan ah ayaa ku qiyaasaysa tirada dhimashada inay gaareyso ku dhawaad 130,000.

Toddobaadyadii la soo dhaafay, RSF-ta ayaa lumisay dhul ballaaran oo Suudaan oo ay qabsadeen ciidamada dowladda.