گېرمانىيەنىڭ ئىقتىساد ۋە ئېنېرگىيە مىنىستىرى رۇسىيە گازىنىڭ ئېقىشىنى ئەسلىگە كەلتۈرۈش ئۈچۈن «نورد ستىرىم» گاز تۇرۇبا لىنىيەلىرىنى جانلاندۇرۇش توغرىسىدىكى سۆھبەتلەرنىڭ «پۈتۈنلەي خاتا يۆنىلىش» ئىكەنلىكىنى ئېيتتى.
نورد ستىرىم» تۇرۇبا لىنىيەلىرى رۇسىيە تەبىئىي گازىنىڭ ياۋروپاغا ئېقىشى ئۈچۈن ئەڭ چوڭ يوشۇرۇن كۈچكە ئىگە يول ھېسابلىنىدۇ. «نورد ستىرىم 1» تۇرۇبا لىنىيەسى 2011-يىلىدىن 2022-يىلىغىچە گاز بىلەن تەمىنلىدى. قىممىتى 11 مىليارد دوللار بولغان «نورد ستىرىم 2» تۈرى 2021-يىلى تاماملاندى، بىراق گېرمانىيە رۇسىيەنىڭ ئۇكرائىنادىكى ئۇرۇشىدىن ئىلگىرى پىلاننى توختاتقانلىقى ئۈچۈن، ھازىرغىچە خىزمەتكە كىرىشتۈرۈلمىدى.
روبېرت ھابېك دۈشەنبە كۈنى مۇخبىرلارنىڭ بالتىق دېڭىزىدىكى تۇرۇبا لىنىيەلىرىنى قايتا جانلاندۇرۇش ئېھتىماللىقىنىڭ بار-يوقلۇقى توغرىسىدىكى بىر سوئالىغا جاۋاب بېرىپ، «ئۇكرائىنالىقلار يەنىلا رۇسىيەنىڭ تاجاۋۇزچىلىقى ئاستىدا تۇرماقتا. شۇڭا <نورد ستىرىم 2> ياكى <نورد ستىرىم 1>نىڭ رېمونت قىلىنىش ئېھتىماللىقى ھەققىدە ئېغىر ئېچىش پۈتۈنلەي خاتا مۇنازىرە يۆنىلىشى ھېسابلىنىدۇ» دېدى.
Berlin has issued an arrest warrant for a Ukrainian diver in connection with the September 2022 attack on undersea gas pipelines that marked a drastic escalation in the conflict.
توختا، نېمە! گېرمانىيە، ئۇكرائىنالىقلارنىڭ «نورد ستىرىم» تۇرۇبا لىنىيەلىرىنى پارتلىتىۋەتتى، دەۋاتىدۇ
بېرلىن 2022-يىلى سېنتەبىردە ئۇكرائىنالىق بىر غەۋۋاس ئۈستىدىن دېڭىز ئاستى تەبىئىي گاز تۇرۇبا لىنىيەلىرىگە قىلىنغان ھۇجۇم بىلەن چېتىشلىقىنى بارلىقىنى ئىلگىرى سۈرۈپ تۇتۇش بۇيرۇقى چىقاردى.
تۇرۇبا لىنىيەلىرىنى پارتلىتىش
2022-يىلى سېنتەبىردە «نورد ستىرىم 2»نىڭ ئىككى لىنىيەسىنىڭ بىرى سىرلىق پارتلاشلار نەتىجىسىدە بۇزغۇنچىلىققا ئۇچرىدى، «نورد ستىرىم 1» نىڭ ھەر ئىككى لىنىيەسى تەسىرگە ئۇچرىدى. زىياننىڭ سەۋەبىنى ھېچكىم ئۈستىگە ئالمىدى، بىراق گېرمانىيەنىڭ ئۆز تەكشۈرۈشلىرى ئۇكرائىنالىق غەۋۋاسلارنىڭ ھۇجۇمغا قاتناشقانلىقىنى كۆرسەتتى.
گېرمانىيە نەچچە ئون يىللاردىن بېرى رۇسىيە گازىغا زور دەرىجىدە تايىنىپ كەلدى، بىراق ئۇكرائىنا ئۇرۇشىدىن كېيىن نورۋېگىيە ئۇنىڭ ئەڭ چوڭ تەمىنلىگۈچىسىگە ئايلاندى. موسكۋا 2022-يىلى ياۋروپانى تەبىئىي گاز بىلەن تەمىنلەشنى كېسىپ تاشلاپ، رېكورت يۇقىرى گاز باھاسى بىلەن ئېنېرگىيە كىرىزىسىگە سۆرەپ كىردى.
ھابېك گېرمانىيەنىڭ يېڭى ھۆكۈمىتىنىڭ ياۋروپانىڭ رۇسىيە ئېنېرگىيەسىگە بېقىنىپ قېلىشىدىن ئالغان ساۋاقلىرىنى ئۇنتۇپ قېلىشىدىن ئەندىشە قىلىدىغانلىقىغا ئىشارەت قىلپ، «سوتسىيال دېموكراتلار ۋە گېرمانىيەدىكى مۇھاپىزەتچى پارتىيە گېرمانىيەنىڭ رۇسىيە ئېنېرگىيەسىگە بېقىنىپ قېلىش ھالىتىنى ياراتتى ۋە بۇنى ئىختىيارىي قىلدى. مەن 2022-يىلى ئېلىنغان ساۋاقنىڭ... ئۇنتۇلۇشىدىن ئەنسىرەيمەن» دېگەنلەرنى قەيت قىلدى.
مۇھاپىزەتچى پارتىيەلەر ۋە سوتسىيال دېموكراتلار گېرمانىيەنىڭ ئالدىمىزدىكى ھۆكۈمىتىنى قۇرۇش ئۈچۈن ئىتتىپاق تۈزۈش سۆھبەتلىرىنى باشلىدى. Alpha Bank ئۆتكەن ئايدا بىر باياناتىدا، دونالد ترامپنىڭ ئاقسارايغا قايتىشىنىڭ، ئۇكرائىنادا تىنچلىق كېلىشىمى ھاسىل قىلىنىپ، ياۋروپاغا گاز ئېكسپورتىنىڭ قايتىدىن باشلىنىدىغانلىقى ئۈمىدى بىلەن رۇسىيە ماگناتى گازپروم (Gazprom)نىڭ پاي چېكى باھاسىنىڭ ئەسلىگە كېلىشىگە ياردەم بەرگەنلىكىنى قەيت قىلدى.
بىراق، نۆۋەتتە ياۋروپا قىتئەسىنىڭ قايتىدىن رۇسىيە گازىغا بېقىنىشقا ئالدىرىشىغا دائىر ئالامەتلەر يوق.
Financial Times بۇ ئايدا، پۇتىننىڭ ئۇزاق مۇددەتلىك ئىتتىپاقدىشى بولغان بىرىنىڭ، مەبلەغ سالغۇچىلارنى «نورد ستىرىم 2» نى قايتا باشلاش ئۈچۈن ئامېرىكادا لوببىچىلىق قىلغانلىقىنى خەۋەر قىلدى. گېرمانىيە ھۆكۈمىتى رۇسىيە ئېنېرگىيەسىگە بېقىنىپ قېلىشتىن ساقلىنىپ، مۇستەقىل ھەرىكەت قىلىشتا چىڭ تۇرىدىغانلىقىنى جاكارلىدى.
