يەكشەنبە كۈنى (2025-يىلى 4-ماي) چۈشتىن كېيىن، گۈيجۇ ئۆلكىسى چيەنشى شەھىرىدىكى دەريادا بىر يولۇچىلار پاراخوتى ئۆرۈلۈپ كەتتى.
خىتاي تاراتقۇلىرىنىڭ خەۋەر قىلىشىچە، خىتاينىڭ غەربىي جەنۇبىدىكى بىر ساياھەت مەنزىرە رايونىدا كۈچلۈك شامال سەۋەبىدىن ساياھەتچىلەر ئولتۇرغان بىر پاراخوت ئۆرۈلۈپ كېتىپ، كەم دېگەندە توققۇز كىشى ئۆلگەن، 70 كىشى دوختۇرخانىغا ياتقۇزۇلغان.
دۆلەت تېلېۋىزىيەسى س س ت ۋ (CCTV) دۈشەنبە كۈنى (5-ماي) يەكشەنبە كۈنى چۈشتىن كېيىن چيەنشى شەھىرىدىكى دەريادا بىر ساياھەت پاراخوتىنىڭ ئۆرۈلۈپ كەتكەنلىكىنى ۋە پاراخوتتىكى 84 كىشىنىڭ سۇغا چۈشۈپ كەتكەلىكىنى خەۋەر قىلدى.
خەۋەردە قەيت قىلىنىشىچە، سۇغا چۈشۈپ كەتكەنلەرنىڭ ئىچىدىكى توققۇز كىشى ئۆلگەن، يارىلانغان 70 كىشى دوختۇرخانىغا ياتقۇزۇلغان. تۆت كىشى زىيان-زەخمەتسىز قۇتۇلغان ۋە بىر كىشى ئىز-دېرەكسىز يوقاپ كەتكەن.
شىنخۇا ئاگېنتلىقىنىڭ خەۋىرىگە قارىغاندا، خىتاي رەئىسى شى جىنپىڭ ئىزدەش-قۇتقۇزۇش خىزمىتى ۋە يارىلانغانلارنى داۋالاشتا «بارلىق تىرىشچانلىقلار» نى كۆرسىتىشنى تەلەپ قىلىپ، ساياھەت نۇقتىلىرى ھەمدە باشقا چوڭ ئاممىۋى سورۇنلاردا بىخەتەرلىك تەدبىرلىرىنى كۈچەيتىشنىڭ مۇھىملىقىنى تەكىتلىگەن.
مۇئاۋىن باش مىنىستىر جاڭ گۇچىڭ نەق مەيدانغا ئەۋەتىلگەن.
خىتاي مەركىزىي تېلېۋىزىيەسىنىڭ بىلدۈرۈشىچە، ۋەقەنى تەكشۈرۈشتە پاراخوتقا نورمىدىن ئارتۇق يولۇچىنىڭ ئېلىنمىغانلىقى بايقالغان.
بۇ قېتىمقى ھادىسە خىتاينىڭ خۇنەن ئۆلكىسىدە ئىككى پاراخوت سوقۇلۇپ كېتىپ 11 ئادەم ئۆلگەن ۋەقە يۈز بېرىپ، ئىككى ئايدىن كۆپرەك ۋاقىت ئۆتكەندىن كېيىن يۈز بەردى.
خۇنەندىكى پاراخوت سوقۇلۇش ۋەقەسىدە 19 كىشى سۇغا چۈشۈپ كەتكەن ئىدى.
Local media reports say the accident in the eastern Jiangxi province involved a funeral procession that was hit by a passing truck.
