ТҮРКИЯ
2 мүнөт окуу
Түркия Израилдин кол салууларына каршы глобалдык аракетке чакырды; Сирияга колдоосун кайталады
Түркия жогорку деңгээлдеги коопсуздук жыйынында Израилдин аракеттеринин Жакынкы Чыгышта жаңы кагылышууга алып келиши мүмкүн экенин эскертип, узак мөөнөттүү аймактык тынчтык жана ички биримдик үчүн таштала турган кадамдарды белгиледи.
Түркия Израилдин кол салууларына каршы глобалдык  аракетке чакырды; Сирияга колдоосун кайталады
/ AA
31 Июль 2025

Улуттук коопсуздук кеңеши эл аралык коомчулукту Израилдин аймакта барган сайын кеңейип бараткан аскердик чабуулдарына каршы чукул чара көрүүгө чакырып, Израилдин аракеттеринин Жакынкы Чыгышты апаатка сүйрөп жаткандыгын эскертти.

Президент Режеп Таййип Эрдогандын жетекчилигиндеги жыйындан кийин шаршемби күнү жасалган билдирүүдө Израилдин Газадан Ливанга, Сирияга жана Йеменди да камтуу менен Иранга чейин болгон кол салууларынын эл аралык укуктун бузулушу жана атайылап туруксуздаштыруу деген мааниге келгендиги айтылды.

Билдирүүдө : «Израиль башкаруусу эл аралык мыйзамдарды бузуп, Палестина, Ливан, Сирия жана Йеменден кийин Иранды бутага алуу менен Газада геноцид жана адамзатка каршы кылмыштарын улантып аймакты апаатка сүйрөөнү максат кылууда»,- деп айтылды.

Билдирүүдө эл аралык коомчулукту «жоопкерчиликти алууга» жана Израилдин аракеттерин токтотуу үчүн тез чара көрүүгө чакыруу салынды.

Сирияга колдоо уланууда

Кеңеш Сириядагы окуяларды да карап чыгып, өлкөнүн биримдигин жана туруктуулугун калыбына келтирүүгө багытталган аракеттерге Түркиянын колдоосу уланарын ырастады. Ошондой эле, Сириянын эгемендүүлүгүн бузууга багытталган ар кандай аракеттерге жана кагылышуулардын кайрадан тутанышына жол бербөө керектигин эскертти.

“Сириянын аймактык бүтүндүгүн бутага алган чабуулдар жана оккупациялар, ошондой эле өлкөнү кайрадан башаламандыкка түртүшү мүмкүн болгон бөлүп-жаруу аракеттери токтотулушу керек,” – деп айтылды билдирүүдө.

Террорсуз Түркия

Кеңеш ички коопсуздук маселелерине да токтолуп, өкмөттүн "Террорсуз Түркия" максатына жетүүдөгү жетишкендиктерди карап чыкты. Террордук уюмдарга каршы ийгиликтүү жүргүзүлгөн операциялар улуттук биримдикти бекемдеп, улуттук максаттарга карай туруктуу илгерилөөнүн жолун ачканы белгиленди.

Билдирүүдө : «Өлкөбүзгө таңуулоого аракет кылынган террордук кишендердин жоюлушу менен улутубуздун бир туугандыгы дагы да бекемделип, улуттук максаттарыбызга карай ылдам жана ырааттуу кадамдар менен илгерилейбиз»,-деп айтылды.

Кеңеш ошондой эле Россия-Украина согушундагы чыңалуунун күчөп жаткан белгилерине тынчсыздануусун билдирип, туруктуу тынчтыкка салым кошууга Түркиянын даярдыгын кайталады.

Иликте
Трамп 2028-жылы Обама менен ат салышууну "абдан каалаарын" айтты
Кытайдын аскердик күчтөрү  Тайвандын айланасында чоң масштабдуу машыгууларды баштады
Франция соту Марин Ле Пенди коррупция боюнча айыптуу деп тапты
Трамп үчүнчү мөөнөткө президент болуу жолдорун карап жатат
Трамп : «TikTok сатуу үчүн 5 -  апрелге чейин көп сандаган потенциалдуу алуучу бар»
Кытай, Түштүк Корея жана Япония Трамптын тарифтерине каршы эркин сооданы бекемдөө чечимин чыгарды
АКШ Индо-Тынч океан аймагында Кытайга каршы күрөшүүдө Японияны маанилүү өнөктөш деп эсептейт
Мьянмадагы жер титирөө мечиттерди талкалап, жүздөгөн мусулмандардын өмүрүнө коркунуч жаратты
Сирияда Шара жаңы өкмөттү жарыялады
Орус дрондору Украинаны бутага алды, курмандыктар катталды
Израиль Газада тез жардам унааларын бутага алгандыгын кабыл алды
Индия кагылышуу учурунда көп сандаган маочу козголоңчуну өлтүрдү
Иран Трамптын өзөктүк сүйлөшүүлөр боюнча катына жооп берди
Интерпол босниялык  серб лидер Додик үчүн камоо ордерин чыгарды
Мьянмада күчү 7,7 баллга жеткен жер титирөө болду
TRT Global каналына көз чаптырыңыз. Пикириңиз менен бөлүшүңүз!
Contact us