Түндүк Кипр Түрк Республикасынын өкмөтү Нобель сыйлыгынын ээси түрк-америкалык илимпоз Азиз Санжарга Түндүк Кипр Түрк Республикасынын (ТКТР) жарандыгына кабыл алынгандыгын жарыялады.
Расмий гезитте жарыяланган чечимде Санжардын өлкөнүн илим, технология жана маданият тармагында өнүгүүсүнө салым кошо турганы жана Түндүк Кипр Түрк Республикасынын доосунун эл аралык тармакта таанытылышына колдоо көрсөтө турганы белгиленди.
Аралга бат бат барып турган жана Жакынкы Чыгыш университетинин Синтетикалык биология изилдөө жана технология борборунун илимий комитетинин мүчөсү болгон Санжар Түндүк Кипр Түрк Республикасынын таанылышын көптөн бери колдоп келет.
"ТКТР таанылышы керек"
2022-жылы президент Режеп Таййип Эрдогандын Бириккен Улуттар Уюмунун Башкы ассамблеясында глобалдык жактан таануу чакырыгынан кийин Санжар дароо социалдык медиада «ТКТР таанылышы керек» деген футболка кийип түшкөн сүрөтүн бөлүшкөн.
Санжардын аралга болгон мамилеси Түндүк Кипр Түрк Республикасынын президенти Эрсин Татар менен болгон жакын мамилеси жана учурда президенттин саламаттыкты сактоо боюнча кеңешчиси болгон профессор Недиме Серакынжы менен кызматташуусу менен дагы да күч алды.
ДНКны калыбына келтирүүдөгү жаңы эмгек
Санкар 2015-жылы химия боюнча Нобель сыйлыгын ДНКны оңдоодогу жаңы эмгеги үчүн алган. Клеткалар бузулган ДНКны кантип калыбына келтирээрин картага түшүрүү менен белгилүү болгон Санжардын ачылышы тирүү организмдердин генетикалык бүтүндүгүн кантип сактап турганын түшүнүү үчүн абдан маанилүү.
Анын эмгектери күн нуру жана токсиндер сыяктуу күнүмдүк факторлордон ДНКнын бузулушу кантип калыбына келтирилгенин ачып берүү менен ракты дарылоодо, генетикалык изилдөөдө жана жекелештирилген медицинада олуттуу ийгиликтерге жол ачты.
