تۈركىيە جۇمھۇر رەئىسى رەجەپ تاييىپ ئەردوغان 19-ماي ئاتاتۈركنى خاتىرىلەش، ياشلار ۋە تەنتەربىيە بايرىمىنى تەبرىكلىدى.
تۈركىيە جۇمھۇرىيىتى جۇمھۇر رەئىسلىك مەھكىمىسى ئۇچۇر-ئالاقە ئىدارىسىنىڭ دۈشەنبە كۈنى ئىجتىمائىي تاراتقۇ سۇپىسى «X» تىكى ئادرېسىدا ھەمبەھرىلەنگەن ئۇچۇرىدا، جۇمھۇر رەئىس ئەردوغان تۈركىيە جۇمھۇرىيىتىنىڭ قۇرغۇچىسى مۇستاپا كامال ئاتاتۈركنىڭ رەھبەرلىكىدە 1919-يىلى باشلانغان ئازادلىق ئۇرۇشىنىڭ باشلىنىشى بولغان 19-ماينىڭ تارىخىي ئەھمىيىتىنى تەكىتلىدى.
جۇمھۇر رەئىس: «ئەجدادلىرىمىز مۇقەددەس ئامانەت سۈپىتىدە قالدۇرغان ۋەتەنگە ۋە جۇمھۇرىيەتكە ئىگە چىقىۋاتىمىز، مەڭگۈ پايىدار بولىدىغان تۈركىيە جۇمھۇرىيىتى دۆلىتىنى ھەممە ساھەدە ئالغا سىلجىتىدىغان ۋە يۈكسەلدۈرىدىغان قەدەملەرنى بېسىۋاتىمىز» دېدى.
تۈرك ياشلىرىغا پەقەت كەلگۈسىنىڭ بىناكارلىرى دەپلا ئەمەس، بەلكى ئۆزگىرىشنىڭ ھەرىكەتلەندۈرگۈچ كۈچى دەپ قارايدىغانلىقىنى تەكىتلىگەن ئەردوغان، تۈرك ياشلىرىنىڭ ئېنېرگىيەسى، قەتئىي ئىرادىسى ۋە ئارزۇ-ئارمانلىرى بىلەن «مەدەنىيىتىمىزنىڭ» مىراسلىرىنى يۈرەكلىرىدە ساقلاپ، «بىز ياشاۋاتقان دەۋرگە ‹تۈركىيە ئەسىرى› تامغىسىنى باسىدىغانلىقىغا» «چىن كۆڭلىدىن» ئىشىنىدىغانلىقىنى ئېيتتى.
"With this amount, we will be able to meet residential demand alone for approximately 3.5 years," says Turkish President Recep Tayyip Erdogan.
تۈركىيەنىڭ كەلگۈسى
ئۇ: «تۈركىيەنىڭ كەلگۈسىنى بەرپا قىلىشتا، تۈرك ياشلىرىنىڭ ئېنېرگىيەسىنى ۋە دۆلەت بايلىقىنى <ئەھمىيەتسىز تالاش-تارتىشلار بىلەن> ئىسراپ قىلىدىغان ھەر تۈرلۈك مەسىلىلەرنى <ھەل قىلىۋاتىمىز ۋە تۈپتىن يوقىتىۋاتىمىز>» دېدى.
«ياشلىرىمىزغا تىنچ، خاتىرجەم، يۇقىرى تېخنىكىلىق ۋە ئاۋات بىر دۆلەت قالدۇرۇش ۋەدىمىزنى ئەمەلگە ئاشۇرۇش ئۈچۈن بارلىق كۈچىمىز بىلەن تىرىشىۋاتىمىز... ئىلىم-پەن، سەنئەت، تەنتەربىيە، دېھقانچىلىق، دىپلوماتىيەدىن تارتىپ يادرو تېخنىكىسىغىچە بولغان ھەممە ساھەدە ياشلىرىمىزنىڭ يوشۇرۇن كۈچلىرىنى بايقىشى ئۈچۈن پۇرسەت يارىتىپ بېرىۋاتىمىز، بۈيۈك ۋە قۇدرەتلىك تۈركىيە غايىمىزنى ئەمەلگە ئاشۇرۇش ئۈچۈن ياشلىرىمىز بىلەن قول تۇتۇشۇپ، مۈرىنى مۈرىگە تىرەپ ئالغا ئىلگىرىلەۋاتىمىز» دېدى.
ئۇ نىشانلىرىغا يېتىش ئۈچۈن بەل قويۇۋەتمەستىن تىرىشىدىغان، ھەرگىز ۋاز كەچمەيدىغان ۋە ئەجدادلىرىدىن ئۆتكۈزۈۋالغان مەدەنىيەت مىراسلىرىنى تېخىمۇ يۈكسەلدۈرۈشنى خالايدىغان بارلىق تۈرك ياشلىرىنى داۋاملىق قوللايدىغانلىقىنى ئېيتتى.
As Western diplomacy falters, President Recep Tayyip Erdogan positions Türkiye as a pivotal actor in global peace efforts, from Ukraine to the Middle East, backed by personal engagement and strategic independence.
ياشلار ۋە تەنتەربىيە بايرىمى
جۇمھۇر رەئىس ئەردوغان «باسقان قەدەملىرىمىز بىلەن كۈچىيىۋاتقان، كۈچەيگەنسېرى مەركىزىي دۆلەت ئورنىغا كېلىۋاتقان تۈركىيەنىڭ ھەر بىر مۇۋەپپەقىيىتىدە ھەسسىسى بولغان تۈرك ياشلىرى ئۈچۈن ھەر ۋاقىت تېخىمۇ كۆپ ئىشلەش ۋە تېخىمۇ كۆپ نەتىجىلەرنى قولغا كەلتۈرۈش ئىرادىسىنى داۋاملاشتۇرىدىغانلىقىنى» بىلدۈردى.
ئەردوغان يەنە «غازى مۇستاپا كامال باشتا بولۇپ، ئازادلىق ئۇرۇشىمىزنىڭ بارلىق قەھرىمانلىرىنى»مۇ ئەسلەپ ئۆتتى.
1919-يىلى 19-ماي — كېيىنچە تۈركىيە جۇمھۇرىيىتىنىڭ قۇرغۇچىسى بولىدىغان ئاتاتۈركنىڭ، تۆت يىلدىن كېيىن دۆلەتنى زامانىۋى تۈركىيەگە ئايلاندۇرىدىغان ئۇرۇشنى باشلاش ئۈچۈن ئىستانبۇلدىن قارا دېڭىز شەھىرى سامسۇنغا كەلگەن كۈنىدۇر.
1938-يىلى ئاتاتۈرك 19-ماينى تۈرك مىللىتى ياشلىرىغا ياشلار ۋە تەنتەربىيە بايرىمى سۈپىتىدە تەقدىم قىلغان. بۇ مىللىي بايرامدا ياشلار پۈتۈن مەملىكەت مىقياسىدا رەسمىي مۇراسىملار بىلەن تەنتەربىيە ۋە مەدەنىيەت پائالىيەتلىرىگە قاتنىشىدۇ.
Day after PKK's jailed ringleader called for the terror outfit to disband, Turkish President Erdogan says it's an opportunity toward Ankara's goal of "tearing down the wall of terror that has been built between our thousand-year-old brotherhood."
