Siku ya Kimataifa ya Wanaume huadhimisha michango ambayo wanaume hutoa kwa jamii, familia na jamii kote duniani.
Pia ni wakati wa kusherehekea maisha, mafanikio na michango ya wavulana na wanaume - haswa yale yanayohusiana na nchi, ndoa, familia, jamii, umoja na malezi ya watoto.
Siku hii hutumika kama kumbusho wa kuthamini matokeo chanya ambayo wanaume wanayo katika maisha yetu na kusukuma mabadiliko ya kijamii ambayo yanakuza uelewa.
Ingawa si siku inayotambuliwa na Umoja wa Mataifa, inaadhimishwa sehemu nyingi duniani kote.
Ilianzishwa kwa mara ya kwanza na kuzingatiwa mwaka wa 1999 na Dk Jerome Teelucksingh, profesa katika Chuo Kikuu cha West Indies huko Trinidad na Tobago. Prof Teelucksingh alichagua Novemba 19 kuadhimisha Siku ya Wanaume huku ikiadhimisha kumbukumbu ya kuzaliwa kwa baba yake.
Tangu wakati huo, imekuwa ikiadhimishwa kila mwaka; hivi sasa, karibu nchi 80 huadhimisha siku hiyo. Kaulimbiu ya Siku ya Kimataifa ya Wanaume 2023 ni Zero suicide yani “Kujiua kwa Wanaume ipungue hadi Sifuri” ambapo wanaume na wavulana wanasaidiwa kuelewa na kukabiliana na masuala ya afya ya akili kwa wanaume.
