ABŞ prezidenti Donald Tramp Konstitusiyanın üçüncü müddətə namizədliyini irəli sürməsini qadağan etməsinə baxmayaraq, 2028-ci ildə keçmiş prezident Barak Obama ilə mübarizə aparmağı çox istədiyini qeyd edib.

Ağ Evdə jurnalistlərə açıqlamalar verən Donald Tramp deyib: “Bunu çox istəyirəm. Yaxşı olardı. Mən bu məsələyə heç vaxt baxmamışam. Deyirlər, bunun bir yolu var, amma mənim xəbərim yoxdur”.

Qeyd edək ki, 1951-ci ildə Konstitusiyaya əlavə edilən 22-ci düzəlişdə “Heç bir şəxs iki dəfədən artıq prezident seçilə bilməz” müddəası yer alır. Bu müddəa prezident Franklin D. Roosevelt ardıcıl dörd müddətə seçildikdən sonra tətbiq edilib.

Donald Trampın bəzi müttəfiqləri üçüncü müddətə qalib gəlməyin seçkidən başqa yollarla mümkün ola biləcəyini irəli sürürlər.

Konstitusiyanın 22-ci düzəlişini ləğv edərək üçüncü müddətə qadağanı aradan qaldırmaq demək olar ki, mümkünsüz görünür. Birinci halda, Konqresdə üçdə iki səs tələb olunur. İkinci halda, ştatların üçdə ikisi düzəlişlər təklif etmək üçün konstitusiya konvensiyasını çağıra bilər. Hər iki üsul düzəlişlərin sonradan ratifikasiya edilməsini tələb edir.