Gürcüstan məhkəməsi keçmiş prezident Mixail Saakaşvilini sərhədi qanunsuz şəkildə keçməkdə ittiham edərək onu 4 il 6 ay müddətinə azadlıqdan məhrum edib. Beləliklə, qərbyönlü siyasətçinin ümumi cəzası 12,5 ilə yüksəlib.

57 yaşlı Saakaşvili 2018-ci ildə səlahiyyətlərindən sui-istifadə etdiyi üçün qiyabi olaraq altı il, keçən həftə isə dövlət vəsaitindən sui-istifadə etdiyi üçün 9 il müddətinə azadlıqdan məhrum edilib.

Qeyd edək ki, Mixail Saakaşvili 2021-ci ildə ölkəsinə qayıdandan sonra cəzasını çəkməyə başlayıb. Mixail Saakaşvilinin vəkili Dito Sadzaqlişvilinin sözlərinə görə, keçmiş prezident Ukraynadan gizli şəkildə Gürcüstana qayıtdığı üçün 4 il 6 ay azadlıqdan məhrum edilib.

Hakim Mixeil Cincolia deyib: “Cəzaların birləşməsi nəzərə alınmaqla, Mixail Saakaşvilinin ümumi həbs müddəti 12 il 6 ay olaraq müəyyən edilib”.