Prezident Donald Tramp növbəti prezident seçkilərində namizədliyini irəli sürmək üçün yollar axtardığını və bunun zarafat olmadığını bildirib. NBC News-a müsahibə verən Donald Tramp "Bunu etmənin yolları var. Bu barədə düşünmək hələ tezdir" deyib.

1951-ci ildə Konstitusiyaya əlavə edilən 22-ci düzəlişdə “Heç bir şəxs iki dəfədən artıq prezident seçilə bilməz” müddəası yer alır. Bu müddəa, prezident Franklin D. Ruzvelt ardıcıl dörd müddətə seçildikdən sonra tətbiq edilib.

Donald Tramp üçüncü müddətə Amerika administrasiyasının başında qalmağın bir neçə yolunun olduğunu qeyd edib.