РЕГИОН
4 МИН ЧИТАЊЕ
На прагот на новата учебна година: Зголемени цените на училишниот прибор
Во споредба со минатите години училишниот прибор има повисоки цени и до 50 отсто во просек, што е дополнително оптеретување на домашниот буџет доколку се има в предвид и инфлацијата која значително ги зголеми трошоците за животот на глобално ниво.
На прагот на новата учебна година: Зголемени цените на училишниот прибор
Зголемени цените на училишниот прибор / TRT Balkan
31 август 2022

Новата учебна година е на самиот праг, а родителите ги прават последните подготовки за своите деца за училиште. Подготвувањето подразбира обезбедување училишен прибор, ранци, тетратки, како и друг училишен материјал кој стандардно се користи во текот на една учебна година.

Но она што е разлика сега во споредба од минатите години се повисоките цени на училишниот прибор и тоа за над 50 отсто, што е дополнително оптеретување на домашниот буџет доколку се има в предвид и инфлацијата која значително ги зголеми трошоците за животот на глобално ниво.

Доколку тргнете во посета на книжарниците низ градовите во земјата, ќе забележите дека цените на училишните материјали се најмалку двојно повисоки за разлика од периодот пред пандемијата.

За да се обезбеди училишен прибор за прваче треба да се издвои околу 3.500 денари, не сметајќи ја облеката и обувките. Во сумата од 3.500 денари е вклучен училишниот прибор кој се состои од моливи, пенкала, боички, ножици, острилки, гума за бришење …

Цените за ранец се движат од 500 до 3.000 денари, во зависност од квалитетот, брендот и моделот.

За сите овие трошоци минатата година, и во годините пред пандемијата сте требале да издвоите помеѓу 2.000 и 2.500 денари во просек.

Забележително, најголем скок во цените има кај тетратките - „материјал“ кој најмногу го трошат учениците. Од книжарниците, поскапувањето го образложуваат со поскапувањето на хартијата со која се произведуваат тетратките. Колку за споредба, ако цената на тетратките во 2019 и во 2020 година била 10 денари, за истата тетратка сега ќе треба да издвоите најмалку 20 денари, додека тетратките со повисок квалитет чинат и повеќе од оваа сума, односно од 35 денари нагоре. Тоа е 100 отсто поскапување.

На учениците им се потребни и фломастери, а ако порано за нив се плаќаше 60 денари, сега тие се продаваат по цена од околу 90 денари, што е поскапување за 50 отсто.

Зголемените трошоци за училишниот прибор го оптеретуваат домашниот буџет во висина од околу 10 отсто, доколку се земе в предвид фактот дека просечната плата во Северна Македонија, според податоците на Државниот завод за статистика изнесува 31.869.

Поскапувања и во земјите од регионотИ учениците во земјите од регионот се подготвуваат за враќање во училишните клупи и новата учебна година, а на удар на домашниот буџет на родителите се и повисоките цени на училишниот прибор, кои се зголемени од 30-50 отсто, покажуваат податоците од медиумските извештаи.

Слично како во Северна Македонија и во земјите во соседството, родителите на децата ученици основци, од своите месечни примања издвојуваат 10-15 отсто само за потребите за учлилишниот прибор неопходен за предвидената настава.

За разлика од годините кога родителите купувале квантитативно повеќе, но и поразновиден училишен прибор, оваа година поради економската криза и негативните очекувања за економските текови поради руско-украинската војна, ременот е затегнат. Се купува само неопходното и во помали количини.

ИЗВОР:TRT Balkan
Повеќе
ЕУ: Подготвуваме противмерки за царините на Трамп, последиците ќе бидат страшни за милиони луѓе
Трамп прогласи економска независност и воведе реципрочни тарифи ширум светот
Трамп очекува наскоро Маск да се повлече од Белата куќа
Министерот Фидан ќе присуствува на состанокот на НАТО во Брисел
Бројот на загинати во земјотресите во Мјанмар надмина 3.000
Произраелските групи притискаат да се прекине мандатот на Франческа Албанезе во ОН
Протест во Сараево поради лошата економска ситуација и високите трошоци за живот
Сојузот на синдикати на С. Македонија на протест, бара зголемување на минималната плата на 500 евра
Кристин Лагард: Тарифите на Трамп ќе имаат негативни последици ширум светот
Сијарто најави дека Унгарија и Србија ќе градат нов нафтовод до 2028 година
Велика Британија воведе електронски дозволи за влез на европските државјани
Косово сака да потпише договор за стратегиска соработка со Велика Британија во областа на одбраната
Мицотакис: Грција има намера да потроши 25 милијарди евра за одбрана во наредните години
Вучевиќ: СНС утре ќе дојде на консултации кај Вучиќ со неколку имиња за мандатарот на новата влада
Кандидатот за врховен судија во кој Маск вложи милиони долари загуби на изборите во Висконсин
Погледнете во TRT Global. Споделете го своето мислење!
Contact us