РЕГИОН
3 МИН ЧИТАЊЕ
Објавени конечни резултати од локалните избори на северот на Косово
Од околу 45.000 запишани гласачи во сите четири општини на северот на Косово, помалку од 4 отсто го искористиле правото на глас
Објавени конечни резултати од локалните избори на северот на Косово
Објавени конечни резултати од локалните избори на северот на Косово / Photo: AA
26 април 2023

Централната изборна комисија на Косово ги објави конечните резултати од вонредните локални избори, одржани во неделата во четири општини на северот на Косово, според кои во Северна Митровица и Лепосавиќ победија кандидатите за градоначалници на Движењето „Самоопределување“ и кандидатите на Демократската партија на Косово во Звечан и Зубин Поток.

Во Северна Митровица најмногу гласови освои Ерден Атик од Самоопределување. Тој доби 519 гласови или 66,5 отсто од излезените гласачи. Кандидатот на Демократската партија, Таулант Кељменди, доби 193 гласа или 23,4 отсто, додека Бетим Османи од Граѓанската иницијатива „Митровица“ освои 80 гласа или 9,7 отсто.

Кандидатот на Самоопределување, Љуљзим Хетеми, победи во Лепосавиќ со 100 гласа или 73,5 отсто од излезените гласачи. Албулена Бехлули-Хетеми од Демократската партија доби 34 гласа или 25 отсто, додека Александар Јаблановиќ, иако се повлече три дена пред изборите, доби два гласа.

Во Зубин Поток победи Измир Зеќири од Демократската партија на Косово со 197 гласови или 52,2 отсто. Кандидатот на Самоопределување, Флатрон Хасани, доби 180 гласа или 47,7 отсто.

Илир Пеци од Демократската партија победи во Звечан со 114 гласови или 59 отсто од излезените гласачи. Кандидатот на Самоопределување, Фетах Пеци, доби 72 гласа или 37,3 отсто, додека Слаѓана Пантовиќ како независен кандидат и единствена од српската заедница доби 7 гласа или 3,6 отсто.

На вонредните избори за Собранието на Општина Лепосавиќ, Движењето „Самоопределување“ освои 15 советници со 85 гласа или 77,3 отсто. Демократската партија и Партијата на косовските Срби освоија по двајца советници, кои се повлекоа од изборната трка, но беа на гласачкото ливче.

Во Општина Звечан, Демократската партија ќе има мнозинство со 11 пратенички места со освоени 93 гласа или 60,1 отсто, додека Самоопределување ќе има 8 места со освоени 65 гласа.

Од околу 45.000 запишани гласачи во сите четири општини на северот на Косово, помалку од 4 отсто го искористиле правото на глас.

Припадниците на српската заедница го бојкотираа гласањето на повик на Српската листа, која не се пријави за учество на овие избори.

Вонредните избори беа распишани по излегувањето на сите претставници на Српската листа, на почетокот на ноември минатата година, од косовските институции на северот на Косово. Тогаш Србите ја напуштија косовската полиција и судството.

ИЗВОР:TRT Balkan / агенции
Повеќе
ЕУ: Подготвуваме противмерки за царините на Трамп, последиците ќе бидат страшни за милиони луѓе
Трамп прогласи економска независност и воведе реципрочни тарифи ширум светот
Трамп очекува наскоро Маск да се повлече од Белата куќа
Министерот Фидан ќе присуствува на состанокот на НАТО во Брисел
Бројот на загинати во земјотресите во Мјанмар надмина 3.000
Произраелските групи притискаат да се прекине мандатот на Франческа Албанезе во ОН
Протест во Сараево поради лошата економска ситуација и високите трошоци за живот
Сојузот на синдикати на С. Македонија на протест, бара зголемување на минималната плата на 500 евра
Кристин Лагард: Тарифите на Трамп ќе имаат негативни последици ширум светот
Сијарто најави дека Унгарија и Србија ќе градат нов нафтовод до 2028 година
Велика Британија воведе електронски дозволи за влез на европските државјани
Косово сака да потпише договор за стратегиска соработка со Велика Британија во областа на одбраната
Мицотакис: Грција има намера да потроши 25 милијарди евра за одбрана во наредните години
Вучевиќ: СНС утре ќе дојде на консултации кај Вучиќ со неколку имиња за мандатарот на новата влада
Кандидатот за врховен судија во кој Маск вложи милиони долари загуби на изборите во Висконсин
Погледнете во TRT Global. Споделете го своето мислење!
Contact us