РЕГИОН
3 МИН ЧИТАЊЕ
Доделени дипломите на дипломците на Меѓународниот балкански универзитет
Во поздравниот говор Гаши рече дека ИБУ е додадена вредност со која може да се гордее општеството, додавајќи дека во него студираат студенти од различна етничка и верска припадност.
Доделени дипломите на дипломците на Меѓународниот балкански универзитет
Доделени дипломите на дипломците на Меѓународниот балкански универзитет / Photo: AA
28 јуни 2024

Во кампусот на Меѓународниот балкански универзитет (ИБУ) вчера се одржа церемонијата на дипломирање на 14. генерација студенти.

На свеченоста, покрај раководителите и персоналот на ИБУ, присуствуваа и претседателот на Собранието на Северна Македонија, Африм Гаши, вицепремиерот на Северна Македонија, Изет Меџити, пратеници, претставници на турската амбасада во Скопје, претставници на турските институции во земјава, како и голем број членови на семејствата на студентите.

Во поздравниот говор Гаши рече дека ИБУ е додадена вредност со која може да се гордее општеството на Северна Македонија, додавајќи дека во него студираат студенти од различна етничка и верска припадност.

Тој, исто така, рече дека со создадената атмосфера ИБУ обезбедува знаење за студените, но морални вредности.

„Се надевам дека сте стекнале и знаење и доблест бидејќи само така ќе бидете слободни луѓе во вистинска смисла на зборот и ќе можете да ја оправдате големата одговорност за која сме создадени, како божји слуги на Земјата“, рече Гаши.

Во својот говор вицепремиерот Меџити вети дека ќе ја зголеми соработката со универзитетите, додавајќи дека на општеството му е потребен квалификуван кадар.

„Вие, драги студенти, сте тие што ме мотивирате. Кога ќе ги видам вашите амбиции, вашата посветеност на успехот, вашата инвестиција во себе, сакам да работам многу понапорно и многу подобро за да може земјата да ви ги создаде сите можности да останете овде, да работите овде и да придонесете овде, затоа што вашиот напор е ценет и ќе биде награден“, рече Меџити.

Ректорот на ИБУ, проф. д-р Љутфи Сунар, во поздравниот говор им честиташе на студентите, нагласувајќи дека знаењето што го стекнале во текот на студирањето е само почеток на нивното патување.

Тој, исто така, рече дека се чувствува повреден од војната во Газа, нагласувајќи дека мора да се поддржат напорите за мир.

„Тековниот геноцид во Газа и страдањата на палестинскиот народ нѐ потсетуваат на големата потреба за правда, сочувство и мир. Загубата на невини животи и тешкотиите со кои се соочуваат семејствата во Газа ги кршат нашите срца. Како образовани и совесни поединци, ние мора да застанеме против опресијата и да ги поддржиме напорите за мир за сите“, рече Сунар.

По поздравните говори на студентите им беа доделени дипломите. Некои од студентите, изразувајќи солидарност со палестинскиот народ, носеа палестински знамиња и носии.

Церемонијата заврши со традиционално фрлање на капите и огномет.

ИЗВОР:AA
Повеќе
ЕУ: Подготвуваме противмерки за царините на Трамп, последиците ќе бидат страшни за милиони луѓе
Трамп прогласи економска независност и воведе реципрочни тарифи ширум светот
Трамп очекува наскоро Маск да се повлече од Белата куќа
Министерот Фидан ќе присуствува на состанокот на НАТО во Брисел
Бројот на загинати во земјотресите во Мјанмар надмина 3.000
Произраелските групи притискаат да се прекине мандатот на Франческа Албанезе во ОН
Протест во Сараево поради лошата економска ситуација и високите трошоци за живот
Сојузот на синдикати на С. Македонија на протест, бара зголемување на минималната плата на 500 евра
Кристин Лагард: Тарифите на Трамп ќе имаат негативни последици ширум светот
Сијарто најави дека Унгарија и Србија ќе градат нов нафтовод до 2028 година
Велика Британија воведе електронски дозволи за влез на европските државјани
Косово сака да потпише договор за стратегиска соработка со Велика Британија во областа на одбраната
Мицотакис: Грција има намера да потроши 25 милијарди евра за одбрана во наредните години
Вучевиќ: СНС утре ќе дојде на консултации кај Вучиќ со неколку имиња за мандатарот на новата влада
Кандидатот за врховен судија во кој Маск вложи милиони долари загуби на изборите во Висконсин
Погледнете во TRT Global. Споделете го своето мислење!
Contact us