Египеттин тышкы иштер министри Бадр Абдулати шаршемби күнү судандык кесиптеши Омар Сыддык менен телефон аркылуу сүйлөшүүсүндө Суданда тынчтыкка жетишүү аракеттерин талкуулады.
Египеттин тышкы иштер министрлигинин билдирүүсүндө, эки тараптын "Египет да ичинде болгон Суданга карата эл аралык төрт тараптуу алкактагы сүйлөшүүлөр да болгон Египеттин Суданда тынчтыкты жана туруктуулукту түзүү, Судан калкынын ресурстарын коргоо аракеттерин" карап чыккандыгы маалымдалды.
Абдулати Египеттин «Судандын эгемендигин, улуттук институттарын жана өлкөнүн биримдиги менен аймактык бүтүндүгүн» колдой тургандыгын кайталап «Судандын биримдигине коркунуч келтире турган бардык кадамдарга» каршы экендиктерин баса белгиледи.
Сыддык болсо «Египеттин Судандын эгемендүүлүгү жана коопсуздугуна карата колдоону улантып жаткандыктан» ыраазычылыгын билдирди жана «эки өлкөнүн ортосундагы эки тараптуу мамилелерди мындан ары өнүктүрүүнү» каалагандыгын билдирди.
Ишемби күнү, жарым аскерлештирилген Ыкчам колдоо күчтөрүнүн (ЫКК) жетекчилигиндеги Судандын Уюштуруу альянсы, Ыкчам колдоо күчтөрүнүн командири Мохамед Хамдан Дагало жетектеген параллелдүү өкмөттүн түзүлгөндүгүн жарыялады.
Ыкчам колдоо күчтөрү жана бир нече союздаш топтор 22-февралда Кенияда Суданда параллелдүү өкмөт түзүү жөнүндө хартияга кол коюшкан.
Армия менен Ыкчам колдоо күчтөрү 2023-жылдын апрелинен бери уланып келе жаткан согушта бетме - бет. Бириккен Улуттар Уюмунун жана жергиликтүү бийликтердин маалыматы боюнча, согушта 20 миңден ашуун адам каза болуп, 14 миллион адам жер которгон. Бирок АКШ университеттеринин изилдөөлөрү каза болгондордун саны 130,000ге жакын экендигин болжолдп жатат.