СПОРТ
3 МИН ЧИТАЊЕ
Навивачите се простуваат од Пеле на стадионот во Сантос
Ковчегот со телото на легендарниот Едсон Арантес до Нашименто Пеле, кој почина на 29 декември, е донесен на стадионот „Вила Белмиро“ во Сантос.
Навивачите се простуваат од Пеле на стадионот во Сантос
Навивачите се простуваат од Пеле на стадионот во Сантос во Бразил / Photo: AA
2 јануари 2023

Илјадници фанови и почитувачи на ликот и делото на поранешниот бразилски фудбалер Пеле во понеделникот и оддадоа почит на легендата на светскиот фудбал и присуствуваа на последното збогување на еден од најдобрите играчи во историјата.

Ковчегот со телото на легендарниот Едсон Арантес до Нашименто Пеле, кој почина на 29 декември, е донесен на стадионот „Вила Белмиро“ во Сантос, каде денес е одржана комеморацијата на која присуствуваа илјадници луѓе.

Неговиот ковчег, заклонет со голем бел шатор, беше поставен во центарот на теренот каде Пеле ја започна својата кариера. Околу ковчегот беа поставени десетици венци, испратени од големи фудбалски ѕвезди и познати клубови.

Меѓу првите од Пеле се прости претседателот на Меѓународната фудбалска федерација (ФИФА) Џани Инфантино, кој допатува во Бразил да му оддаде почит на легендарниот фудбалер.

„Ќе замолиме секоја земја на светот еден од своите фудбалски стадиони да ги именува по името на Пеле“, рече Инфантино.

На последното испраќање на Пеле присуствуваа и турскиот министер за надворешни работи Мевлут Чавушоглу, бразилскиот претседател Луиз Инасио Лула да Силва, претседателот на Јужноамериканската фудбалска конфедерација (КОНМЕБОЛ) Алехандро Домингез, ѕвездите на Сантос како и многу други.

Влезот на стадионот ќе биде дозволен без прекин до вторник во 10 часот по локално време кога поворката ќе тргне низ улиците на Сантос до гробиштата каде што ќе биде погребан. На погребот ќе присуствува само семејството.

Пеле почина на 29 декември во болницата „Алберт Ајнштајн“ во Сао Паоло по боледувањето од рак, на 82-годишна возраст.

Владата на Бразил прогласи тридневна жалост по повод неговата смрт.

Легендата на светскиот фудбал ќе биде погребана на приватен погреб на 3 јануари во Спомен-некрополата Екуменица.

Пеле, кој е најдобар стрелец на сите времиња на бразилската репрезентација, со постигнати 77 гола на 92 натпревари, стана легенда откако го освои првото Светско првенство во 1958 година како 17-годишник. Пеле го освојуваше Светското првенство со Бразил и во 1962 и 1970 година.

ИЗВОР:TRT Balkan / агенции
Повеќе
ЕУ: Подготвуваме противмерки за царините на Трамп, последиците ќе бидат страшни за милиони луѓе
Трамп прогласи економска независност и воведе реципрочни тарифи ширум светот
Трамп очекува наскоро Маск да се повлече од Белата куќа
Министерот Фидан ќе присуствува на состанокот на НАТО во Брисел
Бројот на загинати во земјотресите во Мјанмар надмина 3.000
Произраелските групи притискаат да се прекине мандатот на Франческа Албанезе во ОН
Протест во Сараево поради лошата економска ситуација и високите трошоци за живот
Сојузот на синдикати на С. Македонија на протест, бара зголемување на минималната плата на 500 евра
Кристин Лагард: Тарифите на Трамп ќе имаат негативни последици ширум светот
Сијарто најави дека Унгарија и Србија ќе градат нов нафтовод до 2028 година
Велика Британија воведе електронски дозволи за влез на европските државјани
Косово сака да потпише договор за стратегиска соработка со Велика Британија во областа на одбраната
Мицотакис: Грција има намера да потроши 25 милијарди евра за одбрана во наредните години
Вучевиќ: СНС утре ќе дојде на консултации кај Вучиќ со неколку имиња за мандатарот на новата влада
Кандидатот за врховен судија во кој Маск вложи милиони долари загуби на изборите во Висконсин
Погледнете во TRT Global. Споделете го своето мислење!
Contact us