СПОРТ
2 МИН ЧИТАЊЕ
Шпанските фудбалери ја совладаа Франција за злато на Олимпијадата во Париз
Французите направија пресврт и во финишот на натпреврот израмнија по водството на Шпанија од 1:3, но „фуријата“ доминираше во продолженијата и со два гола убедливо триумфираше со 3:5 за олимписка титула
Шпанските фудбалери ја совладаа Франција за злато на Олимпијадата во Париз
Ова е првпат по 1992 година европска селекција да го освои олимпискиот трон, a Шпанија беше последната што го направи тоа во 1992 година во Барселона / Photo: Reuters
9 август 2024

Фудбалерите на Шпанија во фантастично финале по продолженија ја совладаа Франција со 5:3 и го освоија златниот медал на Олимписките игри во Париз.

Французите подобро го отворија мечот на „Паркот на принцовите“ и поведоа со голот на Енцо Милот во 11. минута, но Шпанците одговорија со двата гола на Фермин Лопез и во 15 минута дојдоа до пресврт на резултатот.

До крајот на полувремето Шпанците зголемија на 3:1 со голот на Алез Баен од слободен удар во 28, минута.

Домашната селекција на „триколорите“ го намали резултатот на 2:3 во 79. минута со голот на Магнес Аклиуш, а Жан-Филип Матета погоди од контроверзно досудениот пенал за израмнување на 3:3 во 93 минута од судиското надополнување.

Шпанците заиграа поофанзивно во продолженијата, а Серхио Камело погоди во 100. минута за водство. Французите потоа заиграа поофанзивно, што остави простор во одбраната што Камело ја искористи во самиот финиш на второто продолжение и го постави конечниот резултат 5:3.

Ова е втора титула за Шпанците, откако сениорската селекција стана европски првак пред повеќе од еден месец на ЕП во Германија.

Франција стигна до финалето со пет победи, од кои една во продолженијата. Шпанија во групата имаше еден пораз од Египет.

Ден претходно Мароко го освои бронзениот медал со убедливата победа од 6:0 против Египет.

Ова е првпат по 1992 година европска селекција да го освои олимпискиот трон. Шпанија беше последната што го направи тоа во 1992 година во Барселона. Французите беа златни во 1984 година во Лос Анџелес.

ИЗВОР:TRT Balkan / агенции
Повеќе
ЕУ: Подготвуваме противмерки за царините на Трамп, последиците ќе бидат страшни за милиони луѓе
Трамп прогласи економска независност и воведе реципрочни тарифи ширум светот
Трамп очекува наскоро Маск да се повлече од Белата куќа
Министерот Фидан ќе присуствува на состанокот на НАТО во Брисел
Бројот на загинати во земјотресите во Мјанмар надмина 3.000
Произраелските групи притискаат да се прекине мандатот на Франческа Албанезе во ОН
Протест во Сараево поради лошата економска ситуација и високите трошоци за живот
Сојузот на синдикати на С. Македонија на протест, бара зголемување на минималната плата на 500 евра
Кристин Лагард: Тарифите на Трамп ќе имаат негативни последици ширум светот
Сијарто најави дека Унгарија и Србија ќе градат нов нафтовод до 2028 година
Велика Британија воведе електронски дозволи за влез на европските државјани
Косово сака да потпише договор за стратегиска соработка со Велика Британија во областа на одбраната
Мицотакис: Грција има намера да потроши 25 милијарди евра за одбрана во наредните години
Вучевиќ: СНС утре ќе дојде на консултации кај Вучиќ со неколку имиња за мандатарот на новата влада
Кандидатот за врховен судија во кој Маск вложи милиони долари загуби на изборите во Висконсин
Погледнете во TRT Global. Споделете го своето мислење!
Contact us