Американски суд не дава Илон Маск да добие поголема плата
Судијката Кетлин Мекормик од Судот во Делавер по вторпат не дозволи извршниот директор на Тесла, Маск да добие, според неа претрана компензација, овој пат поради растот на акциите вредна 56 милијарди долари, иако акционерите дале согласност
Американски суд не дава Илон Маск да добие поголема плата
Во објавата на X по одлуката на судот, Маск рече дека „акционерите треба да ги контролираат гласовите на компанијата, а не судиите“ / Photo: Reuters
3 декември 2024

Судот во Делавер во понеделникот пресуди дека извршниот директор на Тесла, Илон Маск, нема право на финансиски пакет од 56 милијарди долари, иако акционерите на производителот на електрични возила гласаа за него во јуни.

Пресудата на судијката Кетлин Мекормик следи по нејзината одлука во јануари да го нарече пакетот претеран и да го поништи, што ги изненади инвеститорите и фрла сомнеж за иднината на Маск во највредниот производител на автомобили во светот.

Во објавата на X по одлуката на судот, Маск рече дека „акционерите треба да ги контролираат гласовите на компанијата, а не судиите“.

Тесла објави на X: „Пресудата е погрешна и ќе се жалиме“, додавајќи дека судот го надгласал огромното мнозинство акционери.

Маск и Тесла можат да се жалат до Врховниот суд во Делавер веднаш штом МекКормик ја објави пресудата, што би можело да се случи веќе оваа недела.

Разгледувањето на жалбата може да потрае и до една година.

Тесла напиша во судските поднесоци дека судот треба да го признае гласот на акционерите даден во јуни во корист на пакетот плати за Маск, движечката сила на компанијата, кој е одговорен за многу од нејзините аванси, и да го одобри тој надоместок за неговата работа.

Мекормик рече дека одборот на Тесла немал право да го стори тоа за да го врати на маса финансискиот пакет на Маск.

Доколку судот би им дозволил на поразените странки да изнесуваат нови факти заради ревизија на пресудата, парницата би станала бескрајна, напиша таа во образложението од 101 страница.

Според судијката, гласање како она што го спроведе Тесла морало да се спроведе пред судењето и оти компанијата не можела да потврди трансакцијата во која е вклучен надзорникот, а открила дека Маск ги контролира преговорите за плата.

Таа, исто така, рече дека Тесла во судските постапки направила повеќе материјални грешки и не може да тврди дека гласањето било „лек за се“ за да се оправда враќањето на пакетот на Маск за иплати.

Пакетот на Маск вклучуваше опции за акции ако компанијата ги постигне поставените цели.

Пакетот првично беше проценет на 56 милијарди долари, но акциите на Тесла пораснаа за 42 отсто од 5 ноември, кога републиканскиот кандидат Доналд Трамп, поддржан од Маск, победи на претседателските избори во САД.

По тоа зголемување, неговиот пакет би вредел околу 101 милијарда долари.

Ова е втор пат како судијката во случајот го одбива барањето како претерано, тврдејќи дека бордот на Тесла бил непримерно под влијание на Маск кога го прифатил планot за надомест на Илон кој е договорен уште во 2018.

Во прашање е најголемата плата, исплата, компензација што некогаш му е дадена на американски директор.

Првичната вредност на акциите што Тесла требаше да му ги исплати на Илон за добри резултати во работењето беше 2,6 милијарди долари.

ИЗВОР:TRT Balkan / агенции
Повеќе
ЕУ: Подготвуваме противмерки за царините на Трамп, последиците ќе бидат страшни за милиони луѓе
Трамп прогласи економска независност и воведе реципрочни тарифи ширум светот
Трамп очекува наскоро Маск да се повлече од Белата куќа
Министерот Фидан ќе присуствува на состанокот на НАТО во Брисел
Бројот на загинати во земјотресите во Мјанмар надмина 3.000
Произраелските групи притискаат да се прекине мандатот на Франческа Албанезе во ОН
Протест во Сараево поради лошата економска ситуација и високите трошоци за живот
Сојузот на синдикати на С. Македонија на протест, бара зголемување на минималната плата на 500 евра
Кристин Лагард: Тарифите на Трамп ќе имаат негативни последици ширум светот
Сијарто најави дека Унгарија и Србија ќе градат нов нафтовод до 2028 година
Велика Британија воведе електронски дозволи за влез на европските државјани
Косово сака да потпише договор за стратегиска соработка со Велика Британија во областа на одбраната
Мицотакис: Грција има намера да потроши 25 милијарди евра за одбрана во наредните години
Вучевиќ: СНС утре ќе дојде на консултации кај Вучиќ со неколку имиња за мандатарот на новата влада
Кандидатот за врховен судија во кој Маск вложи милиони долари загуби на изборите во Висконсин
Погледнете во TRT Global. Споделете го своето мислење!
Contact us