سىياسەت
2 مىنۇت ئوقۇش
ئامېرىكا، جەنۇبىي كورېيە ۋە ياپونىيە شىمالىي كورېيە تەھدىتىگە قارشى بىرلەشمە مانېۋىر ئۆتكۈزدى
مۇداپىئە مىنىستىرلىرى سېئۇلدا بىر يەرگە جەم بولۇپ، شىمالىي كورېيە ۋە خىتاينىڭ خەۋپسىزلىك ھەمكارلىقى كۈچىيىۋاتقان بىر پەيتتە «مىسلى كۆرۈلمىگەن» دەرىجىدە ھەربىي كۈچ توپلاۋاتقانلىقى ھەققىدە ئاگاھلاندۇردى.
ئامېرىكا، جەنۇبىي كورېيە ۋە ياپونىيە شىمالىي كورېيە تەھدىتىگە قارشى  بىرلەشمە مانېۋىر ئۆتكۈزدى
ئامېرىكا، جەنۇبىي كورېيە ۋە ياپونىيە شىمالىي كورېيە تەھدىتىگە قارشى ھاۋا مۇداپىئە بىرلەشمە مانېۋىرى ئۆتكۈزدى / Reuters
5 часов назад

جەنۇبىي كورېيە دۆلەت مۇداپىئە مىنىستىرلىقى شىمالىي كورېيەنىڭ يادرو ۋە باشقۇرۇلىدىغان بومبا تەھدىتلىرىگە قارشى ئورتاق تاقابىل تۇرۇش ئىقتىدارىنى ئاشۇرۇش مەقسىتىدە، جەنۇبىي كورېيە، ئامېرىكا ۋە ياپونىيەنىڭ 11-ئىيۇل كۈنى ھاۋا مۇداپىئە بىرلەشمە مانېۋىرى ئۆتكۈزگەنلىكىنى جاكارلىدى.

جەنۇبىي كورېيە دۆلەت مۇداپىئە مىنىستىرلىقىنىڭ باياناتىغا قارىغاندا، شىمالىي كورېيەنىڭ بارغانسېرى كۈچىيىۋاتقان يادرو ۋە باشقۇرۇلىدىغان بومبا تەھدىتلىرىگە تاقابىل تۇرۇش ئىقتىدارىنى زورايتىش مەقسىتىدە ئۆتكۈزۈلگەن ھاۋا مۇداپىئە بىرلەشمە مانېۋىرىدا، ئامېرىكانىڭ «B-52H» تىپلىق ئىستراتېگىيەلىك بومباردىمانچى ئايروپىلانى كورېيە يېرىم ئارىلىغا ئورۇنلاشتۇرۇلغان. بۇ، «B-52H» تىپلىق ئىستراتېگىيەلىك بومباردىمانچى ئايروپىلانىنىڭ 2025-يىلى رايوندا ئۆتكۈزۈلگەن مانېۋىرغا تۇنجى قېتىم قاتنىشىشى ھېسابلىنىدىكەن.

يونخاپ ئاگېنتلىقىنىڭ خەۋىرىگە قارىغاندا، ھاۋا مۇداپىئە بىرلەشمە مانېۋىرى جەنۇبىي كورېيەنىڭ جېجۇ ئارىلىغا يېقىن خەلقئارا ھاۋا بوشلۇقىدا ئۆتكۈزۈلگەن. مانېۋىرغا ئامېرىكانىڭ ئىستراتېگىيەلىك بومباردىمانچى ئايروپىلانىدىن باشقا، جەنۇبىي كورېيەنىڭ «KF-16» ۋە ياپونىيەنىڭ «F-2» تىپلىق ئۇرۇش ئايروپىلانلىرىمۇ قاتناشقان.

18-ئىيۇندىكى مۇشۇنىڭغا ئوخشاش مانېۋىرلاردىن بىر ئاي ئۆتكەندىن كېيىن ئۆتكۈزۈلگەن بۇ مانېۋىر،  جەنۇبىي كورېيە پىرېزىدېنتى لى جائې-ميۇڭنىڭ رەھبەرلىكىدىكى تۇنجى ھەربىي ھەرىكەت ھېسابلىنىدىكەن.

جەنۇبىي كورېيە دۆلەت مۇداپىئە مىنىستىرلىقىنىڭ باياناتىدا مۇنداق دېيىلگەن:

«ئۈچ دۆلەت شىمالىي كورېيەنىڭ تەھدىتلىرىگە بىرلىكتە تاقابىل تۇرۇش ۋە جاۋاب قايتۇرۇش ئۈچۈن زىچ ھەمكارلىشىدۇ ھەمدە ئۈچ تەرەپلىك مانېۋىرلارنى ئۈزلۈكسىز داۋاملاشتۇرىدۇ.»

ئۈچ دۆلەتنىڭ يۇقىرى دەرىجىلىك ھەربىي رەھبەرلىرىنىڭ سېئۇلدىكى يىغىنى بىلەن بىر ۋاقىتتا ئۆتكۈزۈلگەن بىرلەشمە مانېۋىرلاردا، تەرەپلەر رايونلۇق خەۋپسىزلىك ۋەزىيىتىنى كۆزدىن كەچۈرۈپ، ئۈچ تەرەپلىك خەۋپسىزلىك ھەمكارلىقىنى تېخىمۇ تەرەققىي قىلدۇرۇشنىڭ يوللىرى ئۈستىدە ئىزدەندى.

ئامېرىكا باش ئىشتاب باشلىقى گېنېرال دان كائىن شىمالىي كورېيە ۋە خىتاينىڭ «مىسلى كۆرۈلمىگەن» دەرىجىدىكى ھەربىي كۈچ توپلىشىغا قارشى جەنۇبىي كورېيە، ئامېرىكا ۋە ياپونىيە ئوتتۇرىسىدىكى خەۋپسىزلىك ھەمكارلىقىنى كۈچەيتىشنىڭ ناھايىتى زور ئەھمىيەتكە ئىگە ئىكەنلىكىنى تەكىتلىدى.

كائىن جەنۇبىي كورېيە باش ئىشتاب باشلىقى ئادمىرال كىم ميۇڭ-سۇ ۋە ياپونىيە باش ئىشتاب باشلىقى گېنېرال يوشىھىدې يوشىدا بىلەن ئۆتكۈزگەن يىغىنىدا مۇنداق دەپ كۆرسەتتى:

«ئامېرىكا قوشما ئىشتاتلىرى بولۇش سۈپىتىمىز بىلەن بىزنىڭ ئەڭ مۇھىم ۋەزىپىمىز تەھدىتكە تاقابىل تۇرۇش ئىقتىدارىنىمىزنى قايتا تەرەققىي قىلدۇرۇش بولۇپ، بۇنى ئەمەلگە ئاشۇرۇش ئۈچۈن ئۈچ دۆلەت ئوتتۇرىسىدا ئۈچ تەرەپلىك ھەمكارلىق ئورنىتىشقا توغرا كېلىدۇ. شىمالىي كورېيە (دېموكراتىك خەلق جۇمھۇرىيىتى) ۋە خىتاي ئۆزلىرىنىڭ كۈنتەرتىپىنى ئىلگىرى سۈرۈش مەقسىتىدە، ئوچۇق-ئاشكارا ھالدا مىسلى كۆرۈلمىگەن دەرىجىدە ھەربىي كۈچ توپلاشنى داۋاملاشتۇرماقتا.»

سېئۇلدا ئۆتكۈزۈلگەن بۇ تۇنجى قېتىملىق ئۈچ تەرەپلىك مۇداپىئە مىنىستىرلىرى يىغىنى، ئامېرىكا باش ئىشتاب باشلىقى كائىننىڭ، ئۇنىڭدىن ئىلگىرىكى باش ئىشتاب باشلىقى چارلېس ك. براۋننىڭ 2023-يىلى نويابىردىكى سېئۇل زىيارىتىدىن كېيىن، جەنۇبىي كورېيەگە قىلغان ئەڭ يۇقىرى دەرىجىلىك ھەربىي زىيارىتى ھېسابلىنىدۇ.

يونخاپ ئاگېنتلىقىنىڭ خەۋىرىگە قارىغاندا، ئۈچ دۆلەت بۇلاردىن باشقا يەنە، كۆپ ساھەلىك ئۈچ تەرەپلىك «Freedom Edge» مانېۋىرىنىڭ دائىرىسىنى كېڭەيتىش توغرىسىدا كېلىشىم ھاسىل قىلغان، شۇنداقلا شىمالىي كورېيەنىڭ داۋاملىشىۋاتقان يادرو ۋە باشقۇرۇلىدىغان بومبا پائالىيەتلىرى ئارقىلىق رۇسىيە بىلەن ھەربىي ھەمكارلىقىنى كۈچىيىۋاتقانلىقىنى ئەيىبلىگەن.

ئىزدىنىڭ
تۈركىيە بىلەن ئەنگلىيە سۈرىيەگە قويۇلغان چەكلىمىلەرنى شەرتسىز بىكار قىلىش مەسىلىسىنى مۇزاكىرە قىلدى
ياۋروپا ئىتتىپاقى بىريۇسسېلدا ھەممىلا يەردە جاسۇسلار نىڭ بارلىقى توغرىسىدا ئاگاھلاندۇردى
جۇمھۇر رەئىس ئەردوغان: لىۋاندىكى ئۇرۇش توختىتىش  كېلىشىمىدىن خۇرسەنمىز
ترامپ ۋە مودى ھىندىستاندىكى كىشىلىك ھوقۇق دەپسەندىچىلىكلىرىنى كۆرمەسكە سالدى
غەززەنىڭ كۆزى: پلېستىيا ئەلئەققادنىڭ پەلەستىندىكى ئىرقىي قىرغىنچىلىقنى چۈشەندۈرۈش كۈرىشى
تۈركىيە تېلېۋىزىيە تىياتىرلىرى تۈركىيەنىڭ دۇنيادىكى تونۇشىنى ئۆزگەرتىۋاتىدۇ
ئوسمانلى ئىمپېرىيەسى دەۋرىدىكى رامىزان ۋە ھۇزۇر مۇنازىرىلىرى
ئوتتۇز كۈنلۈك غەلىبە: 1897-يىلدىكى ئوسمانلى -گىرېتسىيە ئۇرۇشى
تۈركىيە «تېخىمۇ ئادىل بىر دۇنيا» بەرپا قىلىش ئۈچۈن خەلقئارا ئىلمىي مۇھاكىمە يىغىنلىرى چاقىرماقتا
داتچادىكى ئوسمانلى دەۋرىگە ئائىت كېمە چۆكۈپ كېتىش ۋەقەسى
تارىخىي «رىگاتا» سۇ تەنتەربىيەسى بايرىمى نىگېرىيەنىڭ مەدەنىيەت مىراسىنى نامايان قىلدى
جەنۇبىي كورېيە پارلامېنت ئەزالىرى پىرېزىدېنتنىڭ جىددىي ھالەت جاكارلاش قارارىنى رەت قىلدى
گىرۇزىيە ئەڭ يۇقىرى سوت مەھكىمىسى پىرېزىدېنتنىڭ سايلام نەتىجىسىنى بىكار قىلىش تەلىپىنى رەت قىلدى
نېپال بىلەن خىتاي «بىر بەلباغ، بىر يول قۇرۇلۇشى» تۈرى توغرىسىدا رامكا كېلىشىمى ئىمزالىدى
جەنۇبىي كورىيە ساقچى ئىدارىسى «توپىلاڭ» سەۋەبىدىن پىرېزىدېنتنى تەكشۈرۈشكە باشلىدى
TRT Global نى كۆرۈپ چىقىڭ. پىكىرلىرىڭىزنى ھەمبەھىرلەڭ!
Contact us