خەلقئارا
2 مىنۇت ئوقۇش
كانادا تاراتقۇلىرى: كانادا پەلەستىننى ئېتىراپ قىلىشنى ئويلىشىۋاتىدۇ
خەۋەرلەرگە قارىغاندا، باش مىنىستىر كارنىينىڭ ئوتتۇرا شەرقتىكى ۋەزىيەتنى مۇزاكىرە قىلىش ئۈچۈن توردا كابىنېت يىغىنى ئۆتكۈزۈشى مۆلچەرلەنمەكتە ئىكەن.
كانادا تاراتقۇلىرى: كانادا پەلەستىننى ئېتىراپ قىلىشنى ئويلىشىۋاتىدۇ
/ Reuters
July 30, 2025

كانادا تاراتقۇلىرىنىڭ خەۋىرىگە ئاساسلانغاندا، كانادا ھۆكۈمىتى پەلەستىننى ئېتىراپ قىلىش-قىلماسلىق ۋە بۇ ئېتىراپ قىلىشنى مەلۇم شەرتلەرگە باغلاش-باغلىماسلىق مەسىلىسىنى كۆزدىن كەچۈرمەكتە ئىكەن.

سەيشەنبە كۈنى ئىسمىنى ئاشكارىلاشنى رەت قىلغان بىر مەنبەنىڭ بىلدۈرۈشىچە، تېخىچە ئېنىق بىر قارار چىقىرىلمىغان بولسىمۇ، لېكىن باش مىنىستىر مارك كارنىينىڭ چارشەنبە كۈنى ئوتتۇرا شەرقتىكى ۋەزىيەتنى مۇزاكىرە قىلىش ئۈچۈن توردا كابىنېت يىغىنى ئېچىشى مۆلچەرلەنمەكتە.

بۇ خەۋەرلەر، كارنىينىڭ ئەنگلىيە باش ۋەزىرى كېيىر ستارمېر بىلەن ئۇچرىشىپ، قورشاۋ ئاستىدىكى غەززەنىڭ ۋەزىيىتى ۋە ئەنگلىيەنىڭ پەلەستىننى ئېتىراپ قىلىش ھەققىدىكى باياناتىنى مۇزاكىرە قىلغاندىن كېيىنلا ئوتتۇرىغا چىققان.

كانادا تاشقى ئىشلار مىنىستىرى ئانىتا ئاناند دۈشەنبە كۈنى كانادا ھۆكۈمىتىنىڭ «ئىككى دۆلەتلىك ھەل قىلىش چارىسى»غا بولغان مەيدانىنى قايتا تەكىتلەپ مۇنداق دېدى: «ۋەزىيەتنىڭ مۇرەككەپلىكىدىن قەتئىينەزەر، بۈگۈن بۇ يەردە بىرلىكتە تۇرۇشىمىزنىڭ ئۆزى، پەلەستىننىڭ ئۆز تەقدىرىنى ئۆزى بەلگىلەش ھوقۇقىنى ۋە ئىسرائىلىيەنىڭ بىخەتەرلىكىنى كاپالەتكە ئىگە قىلىدىغان، سۆھبەت ئارقىلىق ھاسىل قىلىنىدىغان بىر ھەل قىلىش چارىسىنى خەلقئارا جەمئىيەتنىڭ كۈچلۈك قوللايدىغانلىقىنى نامايان قىلىدۇ.»

خەلقئارانىڭ بېسىمى

ئۆتكەن ھەپتە، فىرانسىيە پىرېزىدېنتى ئېممانۇئېل ماكرون پارىژنىڭ سېنتەبىردە ئۆتكۈزۈلىدىغان ب د ت ئومۇمىي كېڭىشى يىغىنىدا پەلەستىننى ئېتىراپ قىلىدىغانلىقىنى جاكارلىغانىدى. بۇ ھەپتە بولسا، ئەنگلىيە باش ۋەزىرى ستارمېرمۇ ئوخشاش مەزمۇندا بايانات بېرىپ، ئەگەر ئىسرائىلىيە غەززەدىكى قىرغىنچىلىقىنى توختىتىشقا قەدەم تاشلىمىغان تەقدىردە، ئۆز ھۆكۈمىتىنىڭمۇ ب د ت ئومۇمىي كېڭىشى يىغىنىدا پەلەستىننى ئېتىراپ قىلىدىغانلىقىنى بىلدۈردى.

ئىسرائىلىيە ئەنگلىيەنىڭ بۇ ھەرىكىتىنى قاتتىق ئەيىبلەپ، بۇنىڭ «ھاماسقا بېرىلگەن بىر مۇكاپات» بولىدىغانلىقىنى ئىلگىرى سۈردى.

ھازىرغا قەدەر، ب د ت غا ئەزا 193 دۆلەت ئىچىدىن 149 دۆلەت پەلەستىن دۆلىتىنى ئېتىراپ قىلدى. بۇ سان ئىسرائىلىيەنىڭ 2023-يىلى ئۆكتەبىردە غەززەدە باشلىغان ئىرقىي قىرغىنچىلىقىدىن كېيىن كۆرۈنەرلىك دەرىجىدە ئاشتى.

ئىزدىنىڭ
تۈركىيە بىلەن ئەنگلىيە سۈرىيەگە قويۇلغان چەكلىمىلەرنى شەرتسىز بىكار قىلىش مەسىلىسىنى مۇزاكىرە قىلدى
ياۋروپا ئىتتىپاقى بىريۇسسېلدا ھەممىلا يەردە جاسۇسلار نىڭ بارلىقى توغرىسىدا ئاگاھلاندۇردى
جۇمھۇر رەئىس ئەردوغان: لىۋاندىكى ئۇرۇش توختىتىش  كېلىشىمىدىن خۇرسەنمىز
ترامپ ۋە مودى ھىندىستاندىكى كىشىلىك ھوقۇق دەپسەندىچىلىكلىرىنى كۆرمەسكە سالدى
غەززەنىڭ كۆزى: پلېستىيا ئەلئەققادنىڭ پەلەستىندىكى ئىرقىي قىرغىنچىلىقنى چۈشەندۈرۈش كۈرىشى
تۈركىيە تېلېۋىزىيە تىياتىرلىرى تۈركىيەنىڭ دۇنيادىكى تونۇشىنى ئۆزگەرتىۋاتىدۇ
ئوسمانلى ئىمپېرىيەسى دەۋرىدىكى رامىزان ۋە ھۇزۇر مۇنازىرىلىرى
ئوتتۇز كۈنلۈك غەلىبە: 1897-يىلدىكى ئوسمانلى -گىرېتسىيە ئۇرۇشى
تۈركىيە «تېخىمۇ ئادىل بىر دۇنيا» بەرپا قىلىش ئۈچۈن خەلقئارا ئىلمىي مۇھاكىمە يىغىنلىرى چاقىرماقتا
داتچادىكى ئوسمانلى دەۋرىگە ئائىت كېمە چۆكۈپ كېتىش ۋەقەسى
تارىخىي «رىگاتا» سۇ تەنتەربىيەسى بايرىمى نىگېرىيەنىڭ مەدەنىيەت مىراسىنى نامايان قىلدى
جەنۇبىي كورېيە پارلامېنت ئەزالىرى پىرېزىدېنتنىڭ جىددىي ھالەت جاكارلاش قارارىنى رەت قىلدى
گىرۇزىيە ئەڭ يۇقىرى سوت مەھكىمىسى پىرېزىدېنتنىڭ سايلام نەتىجىسىنى بىكار قىلىش تەلىپىنى رەت قىلدى
نېپال بىلەن خىتاي «بىر بەلباغ، بىر يول قۇرۇلۇشى» تۈرى توغرىسىدا رامكا كېلىشىمى ئىمزالىدى
جەنۇبىي كورىيە ساقچى ئىدارىسى «توپىلاڭ» سەۋەبىدىن پىرېزىدېنتنى تەكشۈرۈشكە باشلىدى
TRT Global نى كۆرۈپ چىقىڭ. پىكىرلىرىڭىزنى ھەمبەھىرلەڭ!
Contact us