Turkiya xalqaro sud qarorlariga zid ravishda Srebrenitsa genotsidini inkor etishga yoki "urush jinoyatchilarini ulug‘lashga" qaratilgan barcha bayonot va izohlarni rad etadi, dedi mamlakat prezidenti.

Rajab Toyyib Erdo‘g‘anning bu so‘zlari 1995-yilda Srebrenitsa qirg‘inining 30 yilligi munosabati bilan yuborilgan video xabarda aytildi. Ushbu qirg‘in minglab bosniyaliklarning hayotiga zomin bo‘lgan edi.

Erdo‘g‘an, shuningdek, Anqaraning Bosniya va Gersegovinaning hududiy yaxlitligi, suvereniteti va konstitutsiyaviy tuzumini davomiy va shartsiz qo‘llab-quvvatlashini yana bir bor ta’kidladi.

G‘azoga qarshi davom etayotgan Isroil hujumlariga to‘xtalib, Erdo‘g‘an o‘nlab yillar oldin xalqaro hamjamiyat Srebrenitsadagi voqealarga sukut saqlaganini, endilikda esa Falastinda sodir bo‘layotgan zulmga tomoshabin bo‘lib qolayotganini ta’kidladi.

Erdo‘g‘an Isroil hukumati deyarli 58 ming falastinlikning genotsidi uchun “ertami-kechmi” qonun va tarix oldida javob berishini va’da qildi.